Ərəfot səhroədə mışrikonku nifrət elan karde mərosim.
Hoccion, ərəfot səhroədə iyən mışrikonku nifrət elan karde mərasimədə bə mısılmonon miyono vəhdət və i bemon ijən islam dınyo deşmənon təfrəğə icod əkə planon vədə muğabilə karde təkid kardışone.
Im mərasimədə İronıjə hoccion kənoədə co kişvəronku hoccion de bə Amerkə, sionist rejim və çəvon şərikon əleyh şoar doe, istikbori və şeytoniyə simvolon məhkum kardeşone.
Mışrikonku nifrət elan karde mərasimi bəyoniyə baxşon həm da hoccion Əllahu Əkbər vanqi bə i vırə handə be və cəmaət de mıstəkbiron və mışrikon harcurnə sazişi məhkum kardışone.
Imruj ijən ərəfot səhroədə ərəfə mənoyə do və həm hande bəbe.
Bə 3 milyon nezi mısılmon zinə şəv bə ərəfoti tərəf hərəkət kardəşone ki ımruj bə Məşərolhəromi tərəf bəşən.
Ğıbonə idədə həm hoccion bə Mina varid bey bəpeştə detosə pencşambə əyo bə manden ijən oxonə mərhələdə rəmi cəmərat və ğıboni karde bəpeştə bo oxonə təvof bə Məkkə ovbeqarden.
