Opekədə İroni nımoyəndə: Amerkə çı İroni nati həvate vəy qəte əzı ni.
Opek təşkilatədə İroni nımoyəndə bə nati istehsal əkəyon ociz bey İroni vırə vojorədə pur karde xoto işorəş karde və votışe: Amerkə çı İroni nati ixracati vəy qəte əzı ni boçi ki İroni rəğibon çı İroni teyli bıə vırə pur karde əzı nin.
Huseyn Kazımpure Ərdəbili təsdiğış karde: hiç kişvərədə bo nati istisholi ziyod karde zərfiyət ni iyən ım mıvzo ki İroni rəğibon karde bəznin çı İroni səhmi əvəzi ıştə istisholi ziyod bıkən qıləy şobhinə məsələy.
ətomiyə sazışiku Amerkə xaric bey bəpeştə ım kişvər ıştə mıttəhidonku tələbış karde ki İroniku nati hırye kam bıkən.
Amerkə hətto 11 milyon barl ıştə iztirori xəzinəonış nati ğeyməti boho bey vəy qətə xoto bə vıjor varid kardeku xəbəş doe.
Jıqo iddio və sohbəton bois bıə ki nati ğeymət har barel 80 dollariku həm vey bıbu.
Tojədən xəbə omə ki bə Hındostani dıyo nəğliyat və porton rəsmi statsikaon əsos, çandə çı Hındostani şirkəton şirkəton İroniku nat hıriyə miğdori ziyod kardəşone.
