Sepah rəketiyə həmlədə 40 nəfər çı DAEŞ-i sərkərdəon həlok bıən.
İroni sepah təşkilati Avyasiya ğıvvon fərmondə votışe: Suriyə şərğədə, bə DAEŞ-i hərbi bazaon sepah rəketiyə həmlə nəticəku detosə bə ısət 40 qılə terrorist əcumlə DAEŞ-iku Musol baxşi fərmondə həlol bıən.
Bə İrib raporti əsos qeneral Əmir Əli Hocizodə əlovəş karde: Suriyə şərğ Əlbokəmal məntəğəku bə dast omə şikilon şo dodə ki İroni ğande bıə rəketon qırd bə hədəf qəniyəşone və bepilotə təyyorəon həm de muvəffəğiyət bə mıəyyən bıə vırəon de bombaon həmlə kardəşone.
Qeneral hocizodə votışe: qılə holədə ki terroriston nezi Amerkə və pesoxtə bıə koalisiya hərbi bazaon həm həst bin əmmo İroni rəketon qırd bə hədəfon qıniyəşon və Amerkə həm bə ım diğğət və məhorət etırofış kardə.
Sepah təşkilati tojədən qıləy rəket həmə vositə çı Əhvaz şəhidon xuni intiğamış sə iyən qıləy bəyoniyə vositə ımi elanış karde.
bəyoniyədə ğeyd bıə: ım əməliyotədə 6 qılə ballestik rəket İroni ğərbədə bıə Sepah təşkilati hərbi bazaonku iyən 570 kilometriku bə terroriston həri bazaon tərəf ğandə bəy ki qıvoninə zərbə iyən hevujə tələfoti bois be, peşo 7 qılə çı Sepah təşkilati bepilotə təyyorəon həm bə istikbor vabəstə bıə terroriston cəm bıə vırə iyən çəvonku himoyəəkə bazaon hucum kardeşone.
Sentiyabri 22, İroni Əhvaz şəhri qıləy parkonku bə ım şəhri hərbi parad mərasim terroristiyə həmlə nəticəku, 24 nəfər çı Əhvazi şəhrvandon iyən hərbion şəhid və 60 nəfəriku vey zəxmin bıən.
DAEŞ və Ələhvaziyə terroristiyə qrupon ki Ərəbiston və Amerkə tərəfiku himoyədorəti bıən, ım terroristiyə həmlə məsoliyəti ğəbul kardeşone.
