Ğəzzədə fələstinıjə cıvoni şəhodət.
Fələstinı səhiyyə vəzorətxonə Ğəzzə məntəğədə qıləy fələstinıjə cıvoni şəhodətiku xəbəş do.
Bə Mehr aqentəti xəbon əsosi fələstinı səhiyə vəzorətxonə zinə elanış ka 23 sorə fələstinıjə cıvon Ziyad Zəki Əğl ki cumə ruji Ğəzzə Əlbəricı şərğ hissədə Oqarde həxi 31 minnə yolə aksiyaədə,sionist rejimi hərbion ğandə qullədə yarəjə bə be yarə qon be xoto bə şəhodət rəsedə.
Bə ım xəbon əsosi oqarde həxi 31 minnə aksiya şəhidon ədəd bə 6 nəfər rəsə və 240 nəfəri nezi həm ım aksiyaədə yarəjə bedən.
Co tərəfədə sionist rejimi hərbion elanışon kardə ım rejimi hərbiyə təyyarəon dəvardə saatonədə bə Ğəzzə məntəğə 80 qılə hədəfi hucumışon bardə.
sionist rejimi hərbiyə təyyarəon eyne holədə zinə Ğəzzə mərkəzədə bə qıləy 4 mərtəbə bina hucum bardən ki kamilən xərobə bedə.
