De Amerkə rəhbərəti təşkil bə koalisiya bə Suriyə şərğ təşkil bə hucumədə 30 nəfər kıştə bən.
De Amerkə rəhbərəti təşkil bə təcavuzqərə koalisiya hərbiyə təyarəon bə Suriyə şərğ Deyruzzur ostan təşkil bə hucumədə 30 nəfər ğeyre hərbi kıştə bən.
Bə Fransə aqentəti xəbon əsosi suriyədə bə insondustə həxon nəzorətəkə mudir Rami Əbdulrəhman votışe: Amerkə təcavuzkarə koalisiya cumə şəvnə hucumədə bə Deyruzzur ostani Əlşəıfə di sakinon 28 nəfər kıştə bedən ki çəvon miyonədə 8 qılə hırdəni nom həm muşahidə bedə.
Amerkə təcavuzkarə koalisiya hucum Suriyəku amerkəvıjə ğıvvon xaric be həxədə 48 saat Amerkə prezdent Donald Trampi çəş nıkardə mesaji bəpeştə təşkil be.
Amerkə koalisiya hərbiyə təyarəon çandəkərə de İŞİD mubarizə barde bəhonə Deyruzzurı mıxtəlif məntəğonışon bombardımon kardə ki bə Suriyə ğeyre hərbion kışte bois bən.
Amerkə koalisiya bəzi hucumonədə fosforiyə ğədəğən bıə bombaonku istifadəş kardə.
