İroni xarıci vəzarətxonə sıxənəvot bə məntəğəku Amerkə xarıc bey zərurəti təkidış kardə.

İroni xarıci vəzarətxonə sıxənəvot votışe: bə İrağ Amerkə prezidenti tojə səfər ım kişvəri hakımiyəti rioyət nıkarde və bə İraği millət tovhin kardeye.

Bəhram Ğasımi zinə Miyonə Şərği kali kişvəronədə bə Amerkə hərbion huzuri işarə iyən əlovəş karde: Amerkə bəpe bəştə kə oqardo və botilə xərcon əvəzi ki ifrotkorəti və beqınohə milləton kışte bois bıdə, de ağılməndəti bo məntəğə, dınyo milləton və hətto bo Amerkə milləti mınosibə ğəroli bıqəto.

İroni xarıci vəzarətxonə sıxənəvot bə Amerkə ğərol Suriyəku ıştə hərbion xarıc bey işorəş kardə və votışe ım məsələ barədə hələ şək-şubhəon heste əmmo de diğğət bə Miyonə Şərğədə həmmə mışkolon oşko məlume ki ijən Amerkə vırə məntəğədə ni.

Septambri manqi 19 Suriyə dıvləti məhv kardeyədə terroriston 7 sornə cinoyəton befoydə bey bəpeştə Amerkə prezident Donald Tramp Suriyəku Amerkə hərbion xarıc beyku xəbəş do.