İroni xarıci vəzarətxonə sıxənəvot: İron məntəğə vey əsərinə kişvəre.

İroni xarıci vəzarətxonə sıxənəvot votışe: dınyo kişvəron əmələdə bə ım nəticə rəsən ki Miyonə Şərğ məntəğə be İroni komək karde nibəzne ıştə mışkilon həl bıkə.

İroni xarıci vəzarətxonə sıxənəvot Bəhram Ğasımi zinə de Mehr aqentiyəti mısohibədə əlovəş do: de terrorizm mubarizə bardeədə İroni karnomə nışon do İron İslam Respublika məntəğədə əmniyyət və stabiləti icod karde və noəmnə vəziyəti de zumandəti vəy qəte dumoədəye.

Ğasımi İronış qılə kişvər elan kadeşe ki hejo de məntəğə dıvləton tələb iyən deştə zu ğədər de terrorizm mubarizə barde iyən ım sahədə koməkon edaştəşe iyən təsdiğış kardə: prinsipon cəhətədə əcumlə konstitusiyə və bə islami ali təlimon əsos, İron bo əmniyyət, məntəğədə həmkarion hevuj və de həmsoyəon əloğəon zumand karde cəhd kardə.

İroni xarıci vəzarətxonə sıxənəvot bə İroni zidd Amerkə pisixi canq işorəş kardə və votışe: kişvəron daxıliyə koonədə mıdoxilə nıkardey, əcumlə İroni əsos siyosətonin, qıləy holədə ki İron dıştə həmməy zu ıştə əmniyyət və məntəğə əmniyyətiku ki bənə İroni əmniyyəte mudafiə kardedə.

Ğasımi əlovəş do: İron ıştə daxıli koonədə bə hiç kəs mıdoxilə karde icozə nibədoy və de məntəğə kişvəron həmkari iyən iğtisodiyə zumandəti şəroyeti icod karde dumoədəye.

İroni xarıci vəzarətxonə sıxənəvot təkidış karde: be şək bə İroni zidd Amerkə pisixi canq ki de du-təlbisi İroni bə nohəxə sıxənon ğəbul karde iyən İroni təziği jentonədə ğəror doe dumoədəy məğlub bəbe.