Səudiyə pesoxtə bıə koalisiya tərəfo otəş basti rioyət nıkarde dəvom kardedə; Yəməni rəketiyə reaksiya.
Yəməni ərtışi sıxənəvot elanış karde: Səudiyə təcavuzkarə koalisiya dəvardə 24 saəti mıddətədə Yəməni ğərb Əlhodəydə ostanədə 214 kərə otəş basti ləğvışon karde.
Bə Səba raporti əsos Yəhya Əlrie votışe: Səudiyə mızdoron 172 qılə rəket bə Əlhodəydə ostani Əltəhita məntəğə ğandəşone ijən hərbi təyyarəon həm 13 kərə Kətaf, 10 kərə Bağım iyən Əlzaher məntəğə bombardımonışon karde.
Bə həminə raporti əsos cəsusiyə bepilotə təyyarəon pərə həm dəvom kardedə.
İ Bıə Ərəbə Əmirəti təyyarəon həmlə və bombardımoni vasitə həm Yəməni cənub şərğədə 7 nəfər Yəməni ğeyri hərbi kıştə bıən.
Əmmo Yəməni muğavimət qrupon iyən ərtış ğıvvon həç Şəbvə ostanədə bə 10 nəfər nezi İ Bıə Ərəbə Əmiron ərtışi hərbion həlokışon karde; 9 qılə rəket həm Ənsarullah rəketiyə qrup bə Ərəbistoni hərbion cəm bıə vırəon Nəcran və Cizanədə ğandışone.
Əlhodəydə ğərbədə həm cəmaət tojə otəş bast muğavilə çı Ərəbistoni tərəfo rioyət nıbey xoto etıroz aksiyaon bərpo kardışone: Yəməni mıhosirə arşiyə barədə həm qıləy mediya hərəkət iyən kəmpeyn məntəğə kişvəronədə bərpo bıə. (Ərəbiston, İsveçədə imzo bıə otəş bast muğavilə baxşon icra karde əvəzi ijən Yəmənədə cinoyəton dəvom dodə.)
