Tırkiyə media cəmiyəton bə Amerkədə İroni Press Tv kanali muxbiri həbsi reaksiya nışoşon do.
Tırkiyə media cəmiyəton Amerkədə çı İron İslam Respublika Press Tv inqilisə zıvonə kanali mıxbır və sıxənəkə Xanım Mərziyə Haşımi zindoni bey məhkumışon karde.
Bə Telerədio aqentiyəti cumə ruji raporti əsos, Tırkiyə media cəmiyəton Amerkə FBİ polisi tərəfiku Xanım Mərziyə Haşımi dəstqiri və işkəncə doe məhkumışon kardə və İroni Pres Tv İnqilisə zıvonə kanali ım mısılmonə diktor iyən sıxənəkə ozodəti rəy-rə tələbışon kardə.
Xanım Haşımi ki de ıştə xıyzon bo vindemon karde bə Amerkə şə be, Amerkə Sent Lois airportədə dəstqir və əvışon bə Vaşenqtonədə bıə Federal polisi həbsxonə bardışone.
Xanım Mərziyə Haşımi İroni Peres Tv kanali Amerkəvıjə mıxbır, sıxənəkə və sənədin bərnoməon hozzoəkəy.
Əv Amerkə Kolorado Ştatədə de Melani Franklin nomi bə dınyo omə və medi ali məktəbədə dərsış hande.
