İşğalçiyə sioniston iyən terroriston miyono i bemon.
İ Bıə Milləton Təşkilatədə İroni səfir bə terrorizmi rişəon məhv karde işorəş ka və votışe: xarıci işğal terroriston iyən işğaləkəyon miyono i bemoni bois be jəğo ki israil bə Suriyə terroriston komək kardedə.
Bə İrna raporti əsos Eshağ Ale Həbib zinə İ Bıə Milləton Təşkilati Əmniyyət Şuradə de terrorizm mubarizə barədə mehvər bıə iclosədə əlovəş kard: terrorizm qıləy beynəl xalğ təhdid heste ki de əy mubarizə barədə bəpe komilə planon icra bıbu.
Əv bə İronədə bıə 17 həzo nəfər terror şəhidon işorəş karde iyən bə de terrorizm mubarizə barədə sahədə İroni səy-cəhdon təkidış karde.
Ale Həbib bə nat dollaron ğarət bıə nati pul iyən Suriyə və İraği tarixi erjinə əsəronku bənə DAEŞ iyən co terrorçiyə qrupon faydon işorəş karde və votışe: ım nımunəon subut kardedə ki terrorizmi maliyə sistemi vəy qətero ciddi siyasi iradəon ni.
İ Bıə Milləton Təşkilatədə İroni səfir bə de terrorizm mubarizə barədə bəhanə kali kişvəron siyasi hədəfon bənav barədə işorəş karde və votışe: jıqonə hərəkəton ğanuni və qırd həmonə kişvəron tərəfo əncom bıdə ki ıştən terroriston icod və prosniyədən və bə çəvon hestemoni idamə puli və silohinə komək karde holədən.
