Ruhani: ətomiyə muğavilə oqətey xoto İron roon bastəş ni.

İroni prezident de Fransə prezident telefoniyə rabitədə vositə bə ətomiyə muğavilə oqətey xoto Fransə səy-cəhdon işorəş karde və votışe: Amerkə anti İron sanksiyaon ətomiyə sazışi oqəte xoto bıhranon icodış karde.

Həsən Ruhani zinə de Emanoel Məkron telefoniyə rabitə cərəyonədə əlovəş karde ki i dastə odəmon Amerkədə de xəbisə hərəkəton əncom doe ətomiyə muğavilə oqəteyro səy-cəhdon məğlobiyəti çərçivədəku kardedən.

İroni prezidentə bə İnsteks maliyə mexanizmi həm işorəş karde əmmo votışe: fırsəton arəku şe bois bıə ki İron qədə qədə bə əhdəmonon kam karde 3-nə mərhələ varid bıbu.

Həsən Ruhani Amerkə sanqsiyaon ləğv bey ətomiyə muğavilə oqəteyro bə normalə vəzyəti oqarde zəminə hisobış karde və votışe: dəvardə dıvranədə əncom doe hərəkəton İroni ruziəkə nin.

Məkron həm bə tərəfon səy və cəhdon ətomiyə muğavilə oqəteyro işorəş karde və votışe: de təəsufi radikal qrupon həmmə vırəonədə əcumlə sulhi vəy qəte xoto cəhd kardənFransə prezident bə İnsteks maliyə mexanizmi əməliyoti karde xoto səy-cəhdon işorəş karde və de təkid bə ətomiyə muğavilə çərçivədə İroni mənafe votışe: Amerkə tərəfo təsdiğ bıə sanqsiyaon de İron ticarət karde xoto vey kişvəronış de problemon dim bə dimış karde.