İraği osmonədə bo Amerkə hərbi təyyarəonro məhdudiyət icod bəbe.
İraği iminə vəzir de məxsusə ğanuni imzo karde ım kişvəri osmonədə bo Amerkə hərbi təyyarəon pərero hevujə məhdudiyətonış icod karde.
Bə İrna raporti əsos Adel Əbdul Məhdi zinə ım kişvəri milli əmniyyət şura məxsusə iclosədə de ım ğəroli elan karde əmrış karde ki İraği hərbion mıştəikə fərmondəti mərkəz ım ğəroli de əbyaniyə bə umum elan bıkə.
Bə ım bəyaniyə əsos İraği osımonədə har curnə pəre ğərol de silohinə ğıvvon ali kamandiri rizoyət bəpe əncom bıbu və har curnə əks ğərol İraği osımonədə bənə deşmənon təyyarə hisob bıdə ki de İraği rəket mudafiə sistemon reaksiya dim bə dim bəbe.
Im ğərol çəy bəpeştə elan bıə ki 4 ruj bənav qıləy məlom nıbıə hərbi təyyarə bə Bəğdadədə bıə İraği qıləy hərbi mərkəzon huccumi nəticəku 1 nəfər kıştə və 29 nəfər zəxmin bıən.
