Tırkiyə xarici koon vəzir:desbə Suriyə ərazi 30 kilometriyə nığıli bə nav bəşemon
Tırkiyə xarici koon vəzir çı məmləkəti ğıvvon bə Suriyə ərazi 30 kilometri nufuz karde niyyətiku xəbəş do.
Tırkiyə xarici koon vəzir çı məmləkəti ğıvvon bə Suriyə ərazi 30 kilometri nufuz karde niyyətiku xəbəş do.
Bə Fars aqentəti xəbon əsosi Movlud Çavuşoğlu zinə iddaş karde Tırkiyə silahinə ğıvvon de terarizm mubarizə bardeyu desbə Suriyə ərazi 30 kilometri bə nav bəşen.
Çavuşoğlu votışe:1 minnə mərhələ hədəf “Sulhi çəşmə” nomo bıə əməliyate ki Suriyə əraziədə bıə 30 kilometriyə nığılə de 120 kilometr dırozi nufuz kardeədə terroriston çəyo təmiz karde domoədə hestimon.
Tırkiyə silahinə ğıvvon 4 şanbə rujnəku de terarizm mubarizə barde bəhonə iyən kırdə hərbion Suriyə və Tırkiyə sərhəddonku təmiz karde nomo ki Ankara əvoni terrorist zındəy, bə Suriyə şimal hucumış bardə.
Tırkiyə prezdenti muavin Fuad Oktay 4 şanbə əsrə vaxti “Sulh Çəşmə” nomo əməliyati,rəsmi sorətədə təşkil karde bəpeştə iddaş karde Tırkiyə əməliyati məğsəd Sulhi bə Suriyə oqırdıniyey.
Suriyə şimal hissədə Tırkiyə hərbiyə əməliyat beynəlxalğə səthədə de ciddiyə məhkumiyyət dim bə dim bə.
Suriyə rəsmi şəxson elanışon kardə suriyəvıjon ıştə ərazi təmamiyyət və milli hakimiyyətiku mudafiyə bəkan.
