Hindıstani şahrvandəti tojə ğanuni barədə eterazon dəvom.
Hindıstani şahrvandəti ğanunədə islahat ki veyə reaksiyaon bois bıə Noyə Dehi dıvləti de irğçiyəti iyən rasizm ittihamon dim bə dimış karde.
Bə İrna raporti əsos, ım kişvəri muxalif siyasi şəxsiyəton Hindıstani dıvləti mıttəhəm kardən ki de jıqonə hərəkəton pidəşone kişvərədə bıə iğtisodi bıhrani məxfi kon.
Məşhurə muxalif şəxsiyəton xusosi çı Hindıstani Kanqeres partiya uzvon nəzəku çı i minə vəzir Narandera Modi anti islam hərəkəton kişvərədə no oromə vəziyəti iyən bıhranon amile.
Bəharatiya Canata hakim partiya qıləy uzv Rahol Qandi həm, i minə vəziri bə kişvərədə nifrətçiti rəvoc doe mıttəhəmış karde.
Hindıstani Asam ostanədə etırazon ijən dəvom kardedə, cəmaət bə muhacirət iyən şəhrvandəti ğanuni etıraz karde xoto xiyobononədə və bəzi məntəğəonədə vəziyət vey qıvonin bıə.
Bə tojə ğanuni əsos mısılmonon ijən bə Hindıstan varid bey bəpeştə ım kişvəri şəhrvandəti həxiku istifodə karde əzı nin.
