Amerkəvıjə ğıvvon beğandeyu İraği parlamenti sədoş do.
İraği parlament zinə əsrə vaxti ,İraği məmləkəto Amerkəvıjə ğıvvon beğande planış təsdiğ karde.
İraği parlament zinə əsrə vaxti ,İraği məmləkəto Amerkəvıjə ğıvvon beğande planış təsdiğ karde.
Bə Fars aqentəti xəbon əsosi İraği parlamenti zinə foğəladə iclos çı məmləkəti milləti ciddiyə tələbon xoto Amerkə hərbion beğandeyu ğanoni təsdiğ karde xoto be çun ki dəvardə rujonədə əvon İraği əraziku islami inğilabi Ğuds ğıvvə fərmondə və həşduş-şəbi muavini terror kardeyu istifadəşon kardə be.
İraği parlamenti nımayəndon ım iclosi əvvələdə “bımardo Amerkə” “bımardo israil” şoaronədə ıştə iclosışon bino karde.
İraği koon bə nav bardeyu 1 minnə vəzir Adil Əbdulməhdi ım məmləkəti parlamenti sədo doe iclosədə təciliyə sorətədə İraği məmləkətiku Amerkəvıjə ğıvvon beğandeş tələb karde.
Adil Əbdulməhdi işarəş karde həşduş-şəbi İraği əmniyyətiyə sistemi baxşonku qıleni və Amerkə hərəkətış həşduş-şəbi ğıvvon hədəf ğəror doeş məhkum karde.
Əbdulməhdi eyne holədə de terroristiyə qrupon mubarizə bardeyu İroni roliku tərifış karde və əlavəş karde İron dəvardə soronədə İrağədə de İŞİD mubarizə bardeyu təsirinə rolış bə və de terroriston mubarizə bardeyu bə İraği millət və əmniyyətiyə ğıvvon koməkış kardə.
