Çıro Arsenal çempiyonəti iddio kardedəni?

Çıro Londoni Arsenal klub Premyer Liqədə çempiyonəti iddioədə ni?

Qranit Jaka ləpi bə cərimə meydonçə vığandedə və Oliviye Jiro de kəllə zərbə hənəki oxoyədə əlovə faxti 1-ə dəyğədə əy bə Bornmosi bə dılə dənoydə və hisob 3-3 mısovi bedə.əmmo Arsenali bə barde ehtiyocış heste.

Bə"Varzeshe se" sayti xəbə əsos,20 dəyğə ərzədə Arsenal bəştə hardə 3 qılə qoli cəvob doydə və ısət həm 5 dəyğə fırsət mandə ta çominə qoli bə rəğib komandə bə bıjəno.Əmmo "Topçiyon" tərəfdoron çımi bədiqə dıqlə sujetışon viinde və dərəsin ki,həni qoliku xəbə ni.joqo ki,Jiro qol jıey bədiqə topi rəyrə bə meydoni mərkəz vardey əvəzi,bə təmşoəkəyon tərəf şe və deştə lınqon nışon doey,ıştə dəvardə hənəki ğəşənqə qolış bəçəvon yodış dənoe. dıminə qılə çı Arsen Vengeri ıştə anqıştəon eqətey be ki,ım i nov çı dəboxteyku perəxey və şoyvonəti nışonə be.ısət Arsenali ıştə həmşəhri Çelsiku 8 imtiyoz fosilə nışon doydə ki,ım klub ım sor çempiyonəti fikədə ni.