Ğərəboği canqiku hədəf İrone.
Gilan ostani Lahican şəhri imom cumə votışe: Ğərəboğədə Amerkə,İnqiltərə və sionist rejimi tojə xəbisə planiku hədəf İron İslam Respublika məhdud kardeye.
Hucətul islam vəl muslemin Suleymani Lahicani ım haftə cumə nımuji xotbəonədə bə Ğərəboği canqədə Tırkiyə mıdoxilə işarə və əlovəş karde: Tırkiyə bəpe ıştə vırəku oğo bıbu iyən İroni reqional siyasəton vədə ıştəni bənə dışmon nışo mədə.
Gilan ostani Lahican şəhri imom cumə bə sionist rejimi reqional xəbisə hərəkəton işarə və təkidış karde ki İron de komilə həssosiyəti məntəğədə sionist rejim və çəy mıttəfiğon hərəkəti manitorinq kardedə.
Ğərəboği mınoğişə cərəyanədə bıə Azərbaycan Respublika iyən Ermənistoni miyono canqi dəvomi nəticədə çandə rəketon bə İroni sərhədd məntəğəon qıniye İroni ım ciddi nota bois bıə, xəbə omə ki İroni Xodafərin sərhəd məntəğədə qıləy 5 sorə hırdən həminə rəket həmləonədə zəxmin bıə.
Ğərəboği davoon 1988 nə-soriku bino be və 1992-nə sorədə de otəş bast zahirən sıə be.
Im canqi nəticədə Ermaniston çı Azərbaycan Respublika Ğərəboğ bandiyə məntəğə iyən 7 qılə çı hamsuyə şəhrestanon işğalış karde.
