İrağədə terroristiyə tıpımonon dəvom.

İraği Bəğdad və Diyalə ostanonədə 3 qılə terrosistiyə tıpımonədə 21 nəfər kıştə və 46 nəfər həm yarəjə bedən.

Bə Press TV xəbon əsosi ımruj Diyalə ostani mərkəz Bəğubə 15 kilometriədə Xalis məntəğə şimal hissədə qıləy posti neziədə maşini dılədə noə bə bomba tıpe nəticədə 9 nəfər kıştə və 20 nəfər həm yarəjə bedən.

bə rəsə xəbon əsosi ım tıpımonədə ki bə Kərkuk-Bəğdad ro bastə be  bois bedə iraği əmniyyətiyə ğıvvonku çandə nəfər kıştə bedən.

həmçinin zinə Bəğdad şəhri mərkəzədə 3 qılə vəzorətxonə bina neziədə maşinon dılədə noə bə bombaon tıpneədə 6 nəfər kıştə və 13 nəfər həm yarəjə bedən.

həminə holədə Bəğdad şəhri mərkəz Kərade məntəğədə Sədon xiyabanədə qıləy restorani neziədə maşini dılədə noə bə bomba tıpe nəticədə 6 nəfər kıştə və 13 nəfər həm yarəjə bedən.