Abidzadə bə Portuğaliyə Maritimio klubi transfer be.

Bəvon Abidzadə zoə bə Portuğaliyə Maritimio klubi transfer be.

İroni əfsanəvi qolkiper bıə Əhmədrıza Abidzadə zoə Əmir Abidzadə bə Portuğaliyə Maritimio klubi ovaştey,İroni fitboli tarıxədə yolə hodisəonku qıləyniye.

Bə"Varzeshe se" sayti məlumati əsos,İroni əvsanəvi bəvon ƏhmədRıza Abidzadə İroni milli komandə bə hifz kardeyədə,çəy 3-4 sornə zoə Əmir qıləy qədə dastkeş bəştə dast dənoydəbe və ıştə pı hərəkəton imitasiya və təğlıd kardedəbe.əmmo həmonə qədə zoə de zəmoni dəvarde bəştə təlim-məşğonış dəvom doe və oxoyədə bə qıləy zumandə qoleri təbdil be.çəy pı Abidzadə ki,çı İroni Perespolis klubi qolkiperon məşğçi be,əy hejo deştə bə təlim-məşğ orduqo bardedəbe və dılış hestebe əy boştə canişin ğərol bıdəy.jıqo ki,bəy çı "puti kijə" nomışon noəbe.