İron bə Pakistoni pişavər şəhrədə bıə nımoj əvoton terroristi həmlə məhkumış karde.

İroni xarıci vəzorətxonə sıxanəvot, bə Pakistoni pişavər şəhrədə bıə Kuçə Risoldor nomo məçidi nımoj əvoton terroristi həmlə məhkumış karde.

Bə İRİB raporti əsos, Səid Xətibzodə de qıləy məxsus bəyoniyə vositə həminə həmlə hədəfi mısılmonon miyono təfrəğə icod kardey bəyon və əy məhkumış karde.

Xətibzodə bə ın nocıvonmırdə tarsovə həmlə nəticədə şəhid bıə kəson ailə təsliyət votey kənoədə bo zəxmin bıə kəson təcili şifo tələbış karde və umidəvu be ki de Pakistoni dıvlət iyən əmniyəti ğıvvon tədbiri rə çı terroriston jığonə cinoyətkorə fəaliyəton vəy qətə bıbu.

Zinə iyən bə Pakistoni şimol ğərb, pişavər şəhrədə bıə Kuçə Risoldor nomo şiəyon məçidi nımoj əvoton terroristi həmlədə 56 nəfər şəhid və 190 nəfəriku vey zəxmin bıən.