Ərbilədə bıə sionist rejimi anti İron kəşə planon mərkəz de Sepah təşkiloti rəketon vositə vırt-vılo bıə.
İroni Sepah təşkilat de qıləy bəyoniyə sadir kardey vositə bə ın təşkilati tərəfo sionist rejimi anti İron steratejikə vırə bombardemoni işarə və təkidış karde: har curnə jığonə xəbisə hərəkəton tikror karde de İroni çimiku vey şiddətinə reaksiaon dim bə dim bəbe.
Bə Sepah niyuz sayti raporti əsos, həminə bəyoniyədə təkid be ki: sioniston tojə cinoyəti iyən ironi tərəfo ciddi notaon bəpeşt pəynə şəv məntəğədə bıə sionist rejimi anti İron xəbisə planon kəşə mərkəz de Sepah təşkilati zumandə dəğiğə rəketon vositə hədəf qətə bəy.
Sepah bə İroni milləti xətob həm votışe: İslami sərzəmini əmniyət və stabileti çı İroni silohinə ğıvvon sıə xətt heste və bə hiç kəsi icozə nibədamon ki əy təhdid ya xod bəy təcavuzı bıko.
Pəynə şəv saat 1, İraği Ərbilədə bıə sionist rejimi reqiyonal xəbisə planon iyən məxsus əməliyaton kəşə mərkəz de İroni Sepah təşkilati zumand və dəğiğə rəketon vositə vırt-vılo bıə.
