İron İslam Respublika prezident votışe: atom enerji beynəlxalğə təşkilotədə, bə İroni zid ğətnomə sadir bey, qıləy bıhron icodəkə hərəkət be iyən de bə İroni milləti ələyh təziğon icod bey hədəfi əncom bıə.

Bə İron İslam Respublika prezident məlumatərosnə mərkəzi raporti əsos, zinə, İron İslam Respublika prezident, Sed İbrahim Rəyisi de Fransə prezident Emanoel Məkron telefoniyə votımonədə bə İroni zid Avropa kişvəron və Amerkə bevəcə vindemonon iyən xərobəkə hərəkəton işorəş karde iyən əlovəş do: atom enerji beynəlxalğ təşkilotədə, bə İroni zid ğətnomə sadir bey, bə siyasi etımo və xatircəməti zərbə varidış kardə.

İroni milli əmniyyəti ali şura rəis təkidış karde: kontrol iyən məsələon komil surəti həl bey, çı İron İslam Respublika təvafuği şərte. həmçınin 2 tərəf bə təvafuğon bəfodor bey iyən İroni milləti iğtisodi mənafe təmin kardeyro, bəpe lozimə qarantiya bıdən.

İron İslam Respublika prezident həmçınin de dınyo muxtəlifə kişvəronİroni iğtisodi və siyasi həmkoətion çəşəçi ozavziye işorəş karde və votışe: bə İroni ələyh sanksiyaon çı dınyo iğtisodi zərəon xususi bə Avropa qıvoninə zərbəon bois bıdə.

Rəyisi ijən kişvəron miyono ixtilofon həlliro və əmniyyəti etımo icod kardeyədə canqi mahiyyəti inkorış karde iyən təkidış be: Ukraynaədə bə daveon oxo rosniyero, İron İslam Respublika rol ifo kardey və siyasi votımonon royku məsələon həlliro hozzoe.

hHəminə telefoniyə votımonədə, Fransə prezident Emanoel Məkron həm məntəğədə siyasi prosseson bə nəticə rəseyədə, bə İron İslam Respublika roli işorəş karde iyən votışe: bə Suriyə ələyh məntəğə bəzi kişvəron tərəfo hərbi əməliyaton muxalifət kardey barədə Fransə dıvlət çı İroni nəzəku nimoyədorəti kardedə.

Fransə prezident həmçınin bə Parisi rol atom muzakiron bə nəticə rəseyro təkidış karde.