İslami: Vyana muzakirəonku hədəf, sanksiyaon peqəteye.

İroni atomiyə enerji təşkilati rəis votışe: bə İroni ələyh bıə sanksiyaon peqəte muzakirəonku hədəf, stabil surətəədə sanksiyaon peqəteye.

Avqustə manqi 4 minnə ruj yəni pencşəmbə rujiku, Avstriya paytəxt, Vyanaədə, anti İron zalımonə sanksiyaon peqətey muzakirəon tojə dıvrə bino bıə, və Avqustə manqi 8 minnə ruj bə oxo rəsə.

Bə İroni doə təklifon çı Amerkə nəzəon elan bey bəpeşt tojədən İroni xarıci vəzarətxonə rəsmi şəxsonku qıləyni bə ım nuktə işorəş karde ki: iminnə nəzəon iyən cəvobon bə komilə təhğiğon ehtiyoce, və bə Mora iyən co tərəfon, çəmə nəzəon elan bəbe.

Bə Fars aqentiyəti raporti əsos, ımruj sıb İroni atomiyə enerji təşkilati rəis Muhəmməd İslami, bə Lorıstan ostani Xorrəm Abad şəhri ıştə səfəri cərəyon, və jurnaliston cəmədə votışe: atomiyə sazışiku muzakirəon hədəf, deşməniku bəhonə qətey, iyən ittihamon məhv kardey be, həmonə deşmənon ki bə kişvəri ələyh xəbəon və iddeo bıə sənədon bəyon kardedən.

İroni atomiyə enerji təşkilati rəis votışe: muzakirəonku hədəf ıme ki sanksiyaon bəpe stabild surətədə ləğv bıbu ta millət iğtisodi vəziyətiku mənafe kəsb kon.