Əmirəbdullahiyani təkidış karde: prinsipon çərçivədə bəpe İraği daxıli mıvzoon həl bıbun.
İroni xarıci vəzir təkidış karde ki İrağədə milli ibemoni oqətey, oroməti və bə ğanuni təşkilaton ehtırom noey vey muhimə məsələon bə hisob omeydə iyən votışe bəpe İraği dıvləti iğtidori oqətey və ğanuni prosseson çərçivədə ım kişvəri daxıli məsələon həl bıbun.
Muğtəda Sədr bəyoniyə ğolibədə, İrağədə bıə siyasi fəaliyətonku ıştə dast kəşey elanış karde və həminə bəyoniyə bəpeşt, çəy tərəfdaron Bəğdadi havzə məntəğədə bə prezidenti saray həmləşon kardə iyən çand saət bəpeşt, de Sədri peşmonçiyəti bəyoniyə çı Bəğdadi havzə məntəğəku xaric bin.
Həminə cərəyonədə 30 nəfər kıştə bıən.
Bə İrna raporti əsos, zinə İron İslam Respublika xarıci vəzir, Husein Əmirəbdullahiyan və İraği xarıci vəzir Fuad Husein de yande vindımonışon karde.
Im vindemonədə 2 tərəf, məntəğə və beynəlxalğ təhəvulaton iyən 2tərəfiyə rabitəon oxonə vəziyəti barədə de yande votımonışon kardə.
Im vindemonədə Əmiəbdullahiyan muxtəlifə baxşonədə 2 qılə kişvəri həmkoətion, əncom bıə təvafuğon icra bey zərrurət, ticari və iğtisodi məsələon bə inkişof rosniye, 2 qılə kişvəri həmkoətion vəziyətədə yolə zərfiyətonku istifodə kardey, bənə vey muhim və iminnə məsələon bəyon iyən ım həmkoətionku ıştə rizoyəti elanış karde.
Əmiəbdullahiyan həmçınin marzi kridoronədə ticari mıbodiləon hoston kardey, Bəsrə-Şələmçə reyls xətton bə oxo rosniye və çəy təsirinə komək bə turizm və mıbodilə əlovə bey bə hisobış varde.
Əv həmçınin ım vindemonədə, Ərbəine Huseyni(ə) zaironku çokə mizbonətiro, İraği millət iyən dıvlətiku ğədrdonətiş karde və ım yolə mərosimi mınosib iyən çok surəti bərpo bey vey muhim zıneydə.
Im vindemonədə, İraği xarıci vəzir həm 2 qılə kişvəri mınosibəton və rabitəon vindemon muhimm zınəş be və İraği daxıli təhəvulaton zəminədə İron İslam Respublika məsulanə nəzəku ğədrdonətiş karde iyən Ərbəine Huseyni(ə) barədə bə İraği dıvləti hərəkəton iyən cəhdon işorə və əlovəş karde: İrağədə daxıli stabil iyən oroməti icod beyro cəhdon əncom bey holədəy.
Fuad Huseyn İrağ və İroni əmniyyəti bə yande vabəstə zınəş be və təkidış karde: çəy kişvər icozə nıdo ki İraği sərzəminiku İron İslam Respublika təhdid bıbu.
Əmniyyəti baxşonədə həmkoəti, xususi İrağ və kali marzi məntəğəonədə, deşmənon, separatçi və terroristə hərəkəton vəy qətey, 2 qılə kişvərədə( Musel-İsfəhon) kunsolqəri təsisiro 2 qılə kişvəri təvafuğ, sanksiyaon peqətey oxonə vəziyəti barədə votımonon, Ərəbistonədə İroni dastqir bıə haci oxonə vəziyət, İron İslam Respublika və Fars dıyo kənoədə kişvəron əloğəon bə inkişof rosniye və məntəğə muhimmə təhəvulaton co qılə məsələon be ki ım vindemonədə bəyon bıə.
