Rəisi: de mərkəzi Asiya kişvəron rabitəon bə inkişof rosniye, İroni xarıci siyasəton iminnə koonin.
İron İslam Respublika prezident de mərkəzi Asiya kişvəron xususi Tacikiston rabitəon bə inkişof rosniye, İron İslam Respublika xarıci siyasəton iminnə koonku elanış karde.
Bə İrna raporti əsos, Zinə Ozbəkistoni Səmərqəndədə Şanxay həmkoəti təşkilati uzv bıə kişvəron yolon 22 minnə icosi kənoədə, İron İslam Respublika prezident Sed İbrahim Rəisi de Tacikistoni prezident İmaməli Rəhmani vindemonədə bə İroni səmtiku de hamsuyə kişvəron rabitəon bə inkişof rosniye siyasət dəvomi təkid iyən əlovəş karde: Tehron iyən Doşanbe miyono ticari iyən iğtisodi həmkoətionro, veyə zərfiyəton mucude.
Tacikiston iyən İron İslam Respublika yolon həmçınin Əfğanıstoni milləti problemon iyən əmniyyəti və məntəğə məsələon barədə, de yande votımonışon kardə.
Çoşəmbə rujədə, İron İslam Respublika prezident, Sed İbrahim Rəisi, Ozbəkistoni prezident, Şokət Mirziyafi rəsmiyə dəvəti əsos və deştə iğtisodi və siyasi ali rəsmi şəxson bə ico bə Ozbəkiston səfərış karde, ğərore ım səfərədə İroni prezident 2 tərəfiyə rəsmi vindemon əncom bıdə iyən Şanxay həmkoəti təşkilati yolon 2minnə iclosədə həm iştirok ko.
Şanxay həmkari təşkilot qıləy dıvlətiyə beynəlxalğə təşkilate ki Miladi 2001 minnə sori İyolə manqi 15 minnə rujədə Ğəzaxıston, Çin, Ğığizıston, Rusiyə, Tacikiston və Uzbəkistoni səmtiku təsis bıə. Hindostan, Ğəzaxıston, Çin, Ğırğizıston, Pakiston, Rusiyə, Tacikiston və Ozbəkiston Şanxay məntəğə iğtisodi təşkilati 8 qılə uzvin. ısət İron İslam Respublika həm Şanxay həmkari təşkilatədə pidəşe bənə damə uzvi əlovə bıbu və ğərore Səmərğənd iclosədə de ım təşkilati yolon vositə, İroni daimə uzv bey həm imzo bıbu.
Monqolustan, Əfğanıston iyən Belarusiya, Şanxay təşkilati nəzorətəkə uzvin.
