Dınyo enerji bə inkişof rəseyədə İron və Rusiyə muhimmə rol.
İron İslam Respublika nati vəziri ticari və beynəlxalğə koon muavin bə Dınyo enerji bə inkişof rəseyədə İron və Rusiyə muhimmə rol təkidış karde.
Dəvardə çoşəmbə rujiku Moskvaədə de "enerji stabilə inkişofin" nomo şuari vositə, Rusiyə enerji haftə, de xarıci muxtəlifə heyəton iştirok bərpo bıə.
Rusiyə enerji haftədə İron İslam Respublika heyət bə nati vəziri muavin Əhməd Əsədzodə sərpərəsti iyən Rusiyədə İroni səfir, Kazım Cəlali iyən nat və enerji baxşədə koşınasonku qıləy qrup iştirokışone.
İron İslam Respublika nati vəziri ticari və beynəlxalğə koon muavin, Əhməd Əsədzodə, Moskvaədə de İran Peres jurnalisti votımonədə votışe: dınyo enerji stabiləti bə inkişof rəsey, bəzi kişvəron bə zu votey siyasət sə doey qiədəy.
Əsədzodə, dınyoədə enerji əmniyyəti stabiləti əhəmiyyəti barədə əlovəş karde: əqə dınyo bə enerji tələb iyən təklif əhəmiyyətış dodə, vəpe ım ko imkanaton iyən strukturon həm ğəbul ko.
İron İslam Respublika nati vəziri ticari və beynəlxalğə koon muavin, həmçınin votışe: nibəbe dınyoədə bə nat və qazi vey muhimmə 2 qılə istehsoləkə kişvər yəni İron və Rusiyə ələyh sanksiyaon əncom do, iyən həmzəmanenerji tələb iyən təklifiku sıxən voışe.
Əsədzodə ijən təkidış karde: ğərbi 2 curnə rəftoron, xusuxi kişvəron vədə Amerkə rəftoron, dınyoədə enerji tələb iyən təklifon əmniyyətədə problem icod ko.
İron İslam Respublika nati vəziri ticari və beynəlxalğə koon muavin,ijən əlovəş karde: enerji stabilə bə inkişof rəsey qarantiya, enerji istehsoləkə kişvəron və co kişvəron sazəndə həmkoəti qiədəy ta stabilə muhit və bə həmmə dınyo milləton mənafecəhəto icod bıbu.
