İroni Xarıci vəzarətxonə iğtisodi diplomatiya muavin: Xəzə(Kaspi) hamsuyəon miyono vəoməy iclos, İronədə bərpo bəbe.
İroni Xarıci vəzarətxonə iğtisodi diplomatiya muavin, prezidenti iminnə muavini səfəri bə Moskvaədə bıə Xəzə iğtisodi 2minnə iclos, 2 tərəfiyə muvəffəğiyəton nəzəku vey muhimm zınəş be və təkidış karde: ğəror bıə Xəzə hamsuyəon vəomey iclosi mizbon, İron bıbu.
Tojədən, Xarıci iğtisodi rabitəon həmohənqi ğərorqoh iclos de "Məkran bə inkişof rosniye və bə Rusiyə səfəri İron İslam Respublika iminnə muavini muvəffəğiyəton oxonə vəziyəti" mıvzo de xarıci vəzarətxonə iğtisodi diplomatiya muavin Məhdi Səfəri rəisəti və de ğərorqoh uzvon iştirok bərpo bıə.
Bə İrna raporti əsos, ım iclosədə, bə Rusiyə səfəri İron İslam Respublika iminnə muavin Muhəmməd Muxbıri və şəy muvəffəğiyəton barədə, sıhbət bıə iyən xarıci vəzarətxonə iğtisodi diplomatiya muavin ım səfəri vey muvəffəğ zıneydə iyən votışe: oxonə səfər de Xəzə dıyo kəno kişvəron iğtisodi mıvzoon hədəf əncom bıə.
Bə Səfəri votəyon əsos, ım səfərədə, İroni həmmə icraiyə təklifon əcumlə ım təklifon be : Xəzə ticari ozodə məntəğə icod bey, Xəzə dıyoədə mıştərəkə tranzit, qomroki maneon peqətey və de Rusiyə və co Xəzə hamsuyəon muvafiğəti təsvib bıə təvafuğonro qıləy dəbirxonə icod kardey.
Səfəri ım səfəri 2 tərəfiyə muvəffəğiyəton nəzəku vey muhimm zıneydə və əlovəş karde: ım səfərədə prezidenti iminnə muavin de Rusiyə, Ğəzaxıston və Tacikistoni iminnə vəziron vindemonışe və çand qılə mıvzoon əcumlə pexıli hırye, kaştemoni məhsulon ixracat, nat iyən qazi suapvə 2 tərəfiyə mıbodiləon maneon peqətey barədə sıhbətışon kardə.
Xarıci vəzarətxonə iğtisodi diplomatiya muavin ijən əlovəş karde: Muxberi vindemonədə de 17 nəfər Rusiyə məntəğəon məhəlli rəison və ostandar ğəror bıə İron və Rusiyə miyono ostani rabitəon və mıbodiləon əncom bıbu.
Həmçınin ım səfərədə, təlimon mıvzoon, enerji və ayrokasmik planon barədə sıhbət bıə.
