Suriyə şimal hissədə çandəqılə ğeyre hərbi kıştə bedən.
Feb 24, 2017 13:32 Asia/Tehran
Suriyə Hələb şəhri şimal hissədə qıləy diədə qıləy maşini dılədə noə bomba tıpne nəticədə xəyli ğeyre hərbi kıştə və yarəjə bedən.
Bə məhəlliyə xəbəriyə mərkəzon elanon əsosi İRNA elan kardedə ki qıləy terrorist ıştə kamazi dılədə noə bomba Hələb şəhri şimal Susyan diədə tıpnedə.
desbə ısət 30 nəfər suriyə şəhrvandonku kıştə və çandə danəfər həm yarəjə bən.
zinə həm bə Suriyə paytəxt Dəməşğ şəhri şərğ hissə Zahiyə Həresta nomo bıə mahlə terroriston hucumədə 5 qılə ğeyre hərbi kıştə və 10 nəfər həm yarəjə bedən.
Suriyə məmləkətdə behron 2011 minnə sori Səudiyyə Ərəbıston Amerkə və Turkiyə tərəfiku mıdofiyə bıə terroriston hucumədə ki Suriyə president Bəşar Əsədı ğanoniyə devləti arəku barde niyyəti bə təşkil be.
