Pakistonədə bə İmranxani həmlə İroni tərəfo məhkum bıə

İslam Abadədə bıə İron İslam Respublika səfir, bə Pakistoni nakonə iminnə vəzir İmranxani suiğəsdi məhkumış karde iyən de həminə hodisə zəxmin bıə kəson ıştə hamdard elanış kardə.

Pencşəmbə, qıləy silohinə şəxs bə İmranxani kərvon qullə vığandəş iyən Pakistoni nakonə iminnə vəziri zəxminış kardə. ım hodisədə 1 nəfər kışte və 9 nəfər həm zəxmin bıən.

Həminə cəhətədə və bə İrna cımə ruji raporti əsos, Pakistonədə bıə İroni səfir Sed Muhəmməd Əli Huseyni ışət Tvitterədə bə Pakistoni nakonə iminnə vəzir, İmranxani suiğəsdi məhkumış karde iyən nıvıştəşe: bə Pakistoni nakonə iminnə vəzir iyən İnsaf təhriki partiya lideri həmlə ki çı Pakistoni muhimmə qruponku qıləyni heste məhkum iyən ıştə təəssufi çəy barədə bəyon kardeydəmon.

Həminə Tvitter mesaji dəvomədə, Huseyni, bo İmranxan iyən ım hodisə co qılə zəxmin bıə kəson səloməti urzoş kardə.

Həmçınin ımruj İroni xarıci vəzarətxonə sıxənəvot, Nasır Kənani Çafi həm bə Pakistoni nakonə iminnə vəziri suiğəsdi məhkumış kardə.