Maşini hissəon təmin karde xoto İron və Fransə miyono həmkarion.

Rayzko nomo İronıjə kompaniyə iyən Fransə Meka Plast kompaniyə çı Renault və Peugeot maşinon hissəon təmin karde xoto Parisədə həmkari sənədon imzoşon kardə.

Bə İrib raporti əsos Fransədə İroni səfir Əli Ahəni ım mərasimdə votışe: de Fransəvıjə kompaniyəon həmkarion bərobər İroni maşin sənayeədə çandə inkişof və ozavziye bə vıcud omə.

Ali Ahəni əlovəş kardə: ım ğərordod və mığovilədə bə İronədə maşini hisəon soxte və İroniku əvoni sadir karde təkid be ki, lm mıvzo bə İronədə maşini hisəon de çokə keyfitəti soxte komək bəkay.

Əv təkidış kardə: ğərordodədə bə 30 faiz sadir və eksporti həx işorə be və hətto bəzne Avropaədə həm bo maşin soxtəro ehtiyacon cəvob bıdə.

Fransə Meka Plast nomo kompaniyə sədr Piyer Bollı həm ım mərasimədə bə nızə şərğədə bıə İroni maşin soxte kompaniyaon zərfiyət və ğabeliyəton işorəş kardə və votışe: bə ım mığovilə əsosi həm hisəon monopoliya bıə texnik və elmiyə imtiyoz bə İron doə bəbe və həm İronədə istihsol bıə hisəonku 30 faiz de Peugeot və Renault kompaniyaon ehtiyoc və koməki bərobər hison bə co kişvəron sadir bəbe.

Meka Plast çı Fransə qıləy yolə kompaniyaon hestə ki Peugeot və Renault maşin istihsoləkə kompaniyaon hisəon təmin kardedə.