De İroni Azərbaycan ostani erməniyon umumi xəlifə vositə, Şarli ebdo nəşriyyə təhğıramizə karikaturə məhkum kardey
İroni Azərbaycan ostani Ermənion umumi xəlifə, Şarli ebdo nəşriyə tovhin bə dini mərcəiyət məhkumış kardə.
Dəvardə rujonədə Şarli ebdo nəşriyə qılə mısobiğə de bə siyasi və diniyə mərcəiyət və təhğirinə karikaturə hədəfi bərpoş ka ki, ın nəşriyəku və Fransa siyasətiku əmevzu barədə ki ozod bəyon kardey nom nodən veyə tənğidon bəy.
Bə Fars aqentiyəti raporti əsos, zinə İşəmbə rujədə, İroni Azərbaycan ostani Ermənion umumi xəlifə, arxi Yepiskop Qriqor Çifçiyan de Təbrizi Şərği Azərbaycani mədəniyət iyən islomiyə irşodi yol, Seyd Muhəmməd Huseyn Bəlaği vindemoni cərəyonədə, əlovəş karde: ozodə sıxənon iyən tənğid bəyon kardey, qıləy çərçiv və prinsiponi soybe, ki hətto ailədə həm bəpe ım prinsipon rioyət bıbun və bəy pobən bey lozime və bəpe dınyoədə həm ım prinsipon və həddon rioyət bıbu.
Qriqor Çifçiyan dınyoədə sulh iyən stabiləti və İroni ərzi təmamiyəti oqətey, Ermənion dıli urzo elanış karde.
İroni Azərbaycan ostani Ermənion umumi xəlifə, ijən işorəş karde: İron İslom Respublikaədə muxtəlifə dinon tərəfdaron miyono hakim bıə səmimiyət və sulh bəpe qlobali ulqo bıbu iyən votışe: İron İslom Respublika nizom de co qılə dinon və məzhəbon tərəfdaron ləyoğətinə rəftorış heste və İronədə həmmə məzhəbon de yande bərobərin.
Bəlaği ijən tole torixədə bə mısılmonon və Ermənion de yande kənoədə, hamdıləti və həmroəti işorəş karde və votışe: İronədə muxtəlifə dinon tərəfdaron miyono mıtəğabilə vəhdət və mehribonəti qıləy nımunə və ulqoe və həmmə kəson de muxtəlifə məzhəbi, ğovmi, dini və zıvon, İron İslom Respublika vahidə boydəği jintonədə jimon kardedən.
Şərği Azərbaycan İslomiyə mədəniyət və İrşodi yol, dınyoədə sulh və əmniyyəti icod kardeyro Xıdo irodə elanış karde və votışe: dınyo oxoədə, Xıdovəndi salehə bəndəon dınyoədə ədoləti bərpo bəkan və ım məsələ həmmə İlahi dinon mıştərəkə bovə bə hisob omeydə.
