Suriyə de terroristiyə qrupon mubarizə bardeyu de iraği devləti həmkarəti kardeş tələb kardə.
De terroristiyə qrupon mubarizə bardeyu Suriyə İraği devlətiku həmkarəti kardeş tələb kardə.
Bə telerədyo aqentəti ımrujnə xəbon əsosi Bəğdad şəhrədə bıə Suriyə səfir Sətam Cədan Əlnəndəh de iraği mudafiyə vəzir Məhmud Əlhəyati zinə təşkil doə vindımonədə iraği şimal Neynəva ostanədə bıə terarizmi zid irağıjə ğıvvon tojə bə dast vardə yolə səbarzətionış təbrik votə və tələbış kardə de terarizm mubarizə bardeyu və ta çəvon kamilə nabodi 2 qılə məmləkət mıştərəkə həmkarəti bıkən.
nako həm iraği prezidenti muavin Nuri Əlmaliki iyən bəğdaddə bıə Suriyə səfiri qıləy bəyonotədə İrağ və Suriyədə terroristiyə qrupon nabod kardeyu mıştərəkə mubarizəon zərurəti barədə işarəşon kardə be.
iraği 1 minnə vəzir Heydər Əlibadi fevrali 24 nə ruji bə ım məmləkəti həvoiyə ğıvvon əmrış doə ta Suriyə daxilədə bə İŞİD terroristiyə qrupi mərkəzon hucum bıkən.
