Pars Today

İroni sepah diyo ğıvvon fərmondə votışe: Amerkədə tojə prezidenton vıjniye ya xot co əvəz bıə şərayeton dınyoədə bə İroni islamiyə nizomi zumandəti və ğudrətədə əleyh hiç təsirış ni ijən məntəğədə tojə vəziyəti icod ni bəkay.

Qeneral Mayor Əli Fədəvi tojədən bə İrna aqentiyəti çı ğərbi kişvəron məxsusən Amerkə 2 dimə rəftoron barədə votışe: Amekə siyasət çı deşmənəti və zılmi rişə heste ki həmişə bəştə mənafe fik dodə əmmo İron hejo ıştə zumandətiş dınyoədə bə inkişof bardəşe və har roj bəy idamə dodə.

Qeneral Mayor Fədəvi bə Amerkə bəd əhdion ijən çandə beynəl xalğiyə ğanunon areşte işorəş karde və bə İroni zidd çı Amerkə bevəcə planon bə yod varde bəpeştə votışe: Amerkə deştə həmmə səy və cəhdon pidəşe çı İroni mudafiə ğudrəti məhor bıkə.

İroni sepah diyo ğıvvon fərmondə ijən İroni silohinə ğovvon dılədə şəhodət tələbi rohiyəonış dışmənon dılədə tars icod əkə zınəş bıə və əlovəş kardə: İroni islamiyə kişvəri iğtidor və zumandəti həmişə deşmənon məğlubış kardə.