Mosulədə irağıjə hərbion tojə muvəfəğiyyəton

Mosuli ozod karde əməliyati 4 minnə mərhələ bino beədə iraği məmləkəti hərbiyə ğıvvon tərəfiku təşkil bə ğıvvon muvəfəğ bin ım şəhri ğərb hissədə çanqılə di İŞİD terroristiyə ğıvvon dastiku ozod bıkən və ısət Tələfərı mərkəzədə İŞİD terroristiyə qrupi muhasirə karde halğə tanq bə.

İraği məlləti tərəfiku təşkil bə ğıvvon sıxanəvot Əhməd Ələsədi votışe: iraği milləti tərəfiku təşkil bə ğıvvon de iraği hərbiyə ğıvvon həmkarəti Neynəva ostanədə terroriston dastədə işğal bə məntəğon ozod kardeyu ıştə hərəkətışon təşkil kardə və bı nezonədə Mosulı ğərb hissədə Tələfər şəhri kamilə holətədə İŞİD terroristiyə qrupi işğaliku ozod bəkan.

iraği mudafiyə vəzorətxonə həm elanış karde  ım məmləkəti həvoiyə ğıvvon İŞİD terroristiyə qrupi yolə silah anbo Tələfər şəhrədə arəku bardən ki ım silah anbo bombardımon kardeədə bə terroriston qonə zərbə qınedə.