Əmiədullahiyan: şimol-cənub koridori inkişofədə, İron və Azərbaycan Respublika vey muhimmə rolışon heste

İron İslom Respublika xarıci vəzir, de Azərbaycan Respublika prezdenti vindemonədə şimol-cənub kuridori inkişofiro bə Tehron-Boku rabitəon əhəmiyəti işorə və təkidış kardə: 2 qılə kişvəri ticori və iğtisodi rabitəon inkişofədə mısbətə zərfiyəton mucude.

Omujnıqıniyə Hərəkoti xarici koon vəziron iclosi kənoədə, ki Boku şəhri icloson salononədə bərpo bey holədəy, zinə çoşəmbə İroni xarıci vəzir, Huseyn Əmirəbdullahiyan de Azərbaycan Respublika prezdenti İlham Əliyev vindemon və votımonış kardə.

Bə İrna raporti əsos, ım vindemonədə İroni xarıci vəzir bəyonış kardə: Azərbaycan Respublika prezdenti dıvronədə ım hərəkət əktiv iyən bə inkişof rəsəşe, əv ijən votışe: vey muhimmə mevzuon təğib kardeyro koonədə ğəror qətəşe.

Əmirəbdullahiyan ijən bəyonış kardə: Tehron və Boku miyono ticori və iğtisodi rabitəon inkişofiro mısbətə zərfiyəton mevcude, əv ijən votışe: şimol-cənub koridori inkişofədə, İron və Azərbaycan Respublika vey muhimmə rolışon heste.

İroni xarıci vəzir həmçınin bə Tehronədə bıə Azərbaycan Respublika səforətxonə ələyh əncom bıə terroristiyə hərəkəti barədə bə kişvəri məhkəmə və polisi təğibon təkid və ıştə umu nışoş do ki vey rə Tehronədə bıə Azərbaycan Respublika səforətxonə ıştə fəaliyəti tojədən bino bəkay.

İlham Əliyev həm ıştə umu nışoş do ki bə Tehronədə bıə Azərbaycan Respublika səforətxonə ələyh terroristiyə hərəkəti əncom doə kəson bəştə mınosibə cəzoon bərəsən.

 Azərbaycan Respublika prezdent ıştə umu nışoş do ki nezə vəoməyədə 2 qılə kişvəri rəsmi şəxson miyono 2tərəfiyə vindemonon əncom bəbe.