İron İslom Respublika iyən Azərbaycan R. miyono mudafiə iyən hərbi həmkoəti sənədon imzo bıə

İron İslom Respublika iyən Azərbaycan R. miyono mudafiə iyən hərbi həmkoəti sənəd de 2 qılə kişvəri canqi rəsmi şəxson vositə imzo bıə.

İron İslom Respublika silohinə ğıvvon həmmə ğərorqoh yol iyən Azərbaycan R. mudafiə vəzorətxonə miyono mudafiə iyən hərbi həmkoəti mıştərəkə kamissiya 3 minnə iclosi oxonə sənəd imzo bıə.

Bə Bukoədə bıə İron İslom Respublika səforətxonə mərkəzi raporti əsos, tojədən Bukoədə İron İslom Respublika iyən Azərbaycan R. hərbi rəsmi şəxson, 2 qılə kişvəron miyono mudafiə və hərbi həmkoətion sənəd imzo kardışone.

İron İslom Respublika silohinə ğıvvon həmmə ğərorqoh yol beynəlxalğə həmkoətion muavin Qeneral Muhəmməd Əhədi Azərbaycan R. iyən İron İslom Respublika hərbi və mudafiə həmkoətion mıştərəkə kamissiya 3minnə dıvrə bərpo beyro, hərbi ali heyəti sədrədə bə Buko səfərış kardə.

İron İslom Respublika silohinə ğıvvon həmmə ğərorqoh yol beynəlxalğə həmkoətion de muavin, de Azərbaycan R. prezdenti dəstyar Hikmət Haciyev, mudafiə vəzir Qeneral Zaker Həsənev iyən ım kişvəri iminnə vəzir, Şahin Mustəfayev vindemonış kardə iyən hərbi və mudafiə baxşonədə xususi 2tərəfiyə rabitəon nığıləti və inkişof iyən kali məntəğə iyən beynəlxalğə məsələon barədə de yande votımonışon kardə.