Canq iyən siyasiyə meydonədə İraği milləti tərəfiku təşkil bə ğıvvon muvəfəğiyyət.

İraği milləti tərəfiku təşkil bə ğıvvon zinə iraği şimal Neynəva ostanədə Ələcburi iyən Əlbinonə dion İŞİD terroristiyə qrupi dastiku ozod kardən və bə Əlsəlam di tərəf bə nav şe holədən.

İraği milləti tərəfiku təşkil bə ğıvvon Tələfər bə Mosul ro ki İŞİD terroristiyə qrupi şe ome kardeyu yeqanə ro be bəştə dast qətedən və ım şəhri kamilən muhasirə kardən.

iraği hərbiyə ğıvvon həm Tələfər şəhrədə bə terroriston mərkəzi hucum kardən və nəticədə xəyli terroristonku kıştə bedən iyən xəyli maliyə ziyan həm bəvon qınedə.

iraği parlamenti nımoyəndə Əhməd Əlcəburi həm zinə iraği 1 minnə vəzir Heydər Əlibadi təvafuğiku bə Mosulı ğərb iraği milləti tərəfiku təşkil bə ğıvvon daxil beyu xəbəş do.

Mosulı mıxtəlif vıronədə terroriston məğlub be xoto və təziği jiyədə be xoto binoşon kardə ğeyre hərbiyon kışte.