Tırkiyə hərbionku 5 minə qrup bə Ğətər vığandə bıən.

Bə Royterz raporti əsos Ğətəri hərbiyə ğıvvon zinə şəv çı Tırkiyə hərbion 5 minə qrupi bə Ğətər varid beyku xəbəşon do.

Həminə hərbion bə Ələdidə hərbiyə həvoiyə baza varid bıən.

Çımiku bənav dəvardə İyonə manqədə Tırkiyə i minə hərbiyə qrup bə Ğətər varid bıə bən.

5 minə hərbiyə qrup qıləy holədə bə Ğətər varid bıən ki ço qılə Ərəbiyə kişvəron şərtonədə bə Ğətər elan bıə be ki Ğətər bəbe ıştə kişvərədə Tırkiyə hərbiyə bazaon tətil bıkə.

Çı Tırkiyə hərbion bə Ğətər vığande çımiku bəpeştə de sorəti dəvomış heste ki Tırkiyə parlament iyən prezident təsdiğışon kardə ki bəbe bə Ğətər komək bıbu bo ijən çı Tırkiyə hərbion iyo sakenin karde bərnoməon dəvom peydo bıkə.

Tojədən xəbə omə ki Ərəbiston, i bıə Ərəbon Əmirti, Bəhreyn və Misr ijən bə Ğətəri əleyh təhrim və sanksiyaon dəvom doe təkidışon kardən.

Im 4 qılə kişvər İyoni 5 minə rujiku de Ğətər ıştə diplomatikə rabitəon ğət kardeşone.