Azərbaycan Respublika, Hindıstan və Pakistonədə İmom Rıza(ə) milad ruji ijən kəromət əyyami oxonə ruji mərasimon .

Şiəyon 8 minə İmom Həzrəte İmom Rıza(ə) milad ruji ğeydiyat Bukodə İroni səfarətxonə Şəhriyar nomo bıə mədəniyə kədə bərpo bıə.

Bə İrna raporti əsos ım mərasimədə İroni rəsmi şəxson, Bukodə İronıjon və çandə Azərbaycan Respublika şəhrvandon iyən bə Əhli Beyti İsmət və Təharət(ə) aşiğon iştirok kardışone.

Azərbaycan Respublikadə İroni səfarətxonə mədəniyə məsul, Əsğər Farsi ım mərasimədə İmom Rıza(ə) milad ruji təbrik vote kənoədə bə Rəzəviyə mədəniyyəti rəvoc doe təkidış kardə.

İjən şairon və məddahon de məxsusə eşğ iyən mıhəbbəti bə ə Həzrət ehtırom kardışone.

Bə Həzrəti aid bıə kitob və şikil nımoyişqo həm mərasimon kənoədə bərpo bıə.

De kəromət əyyami həmzəman Əhli Beyti(ə) sirə nomo bıə iclos həm Pakistoni Lahurədə bərpo bıə.

Sıvoy İroni səfarətxonə mədəniyyə rəsmi şəxson Pakistoni İmomiyə Tələbəon İcma həm həminə mərasimədə həmkari və kıməkış kardə və 200 nəfər çı Əhli Beyti(ə)-i aşiğon əyo hozzo peydo kardışone.

Im icma sədr Ləəl Məhdixan həminə mərasimədə bə İroni rəsmi şəxson təşəkkur karde kənoədə bə Həzrəte Xanım Məsumə(s) və İmom Rıza(ə) sirə islamiyə ummətədə çı vəhdəti bərğəror karde xoto təkidış kardə.

Hindıstani Dehlino şəhrədə həm de İron və Hindıstani mısılmonə cəmaəti huzuri şiəyo 8 minə imomi milad ruji mərasimon bərpo bıə.

Şiə və sınniyə alimon və cəmaəton həminə mərasimədə bə İmom Rıza(ə) fəzilət iyən məğom işorəşon kardə.

Im mərasimədə ki İroni səfarətxonə mədəniyə mərkəz dəvoniyəş be Hindıstanədə İroni Camiətul-Mustəfa nımoyəndə nıtğış kardə.

Zinə çı kəromət əyyomi oxonə ruj və şiəyon 8 minə imomi moəku bıə ruj be.