Livani silahlinə ğıvvon de İŞİD terroristiyə qrupi ıştə canqi dəvomədə çı məmləkəti şərğ Həğab Xəzəl nomo bə barzə vıron kontoroli bəştə dast qətedən.

Bə Əlaləm kanali elanon əsosi livani silahlinə ğıvvon fərmondə ımruj elanış karde Rəs Bəəlbək barzə vıronədə İŞİD terroristiyə qrupi muhasirə ciddi beədə silahlinə ğıvvon bə Həğab Xəzəl barzə vıron tərəf bə nav şən və çı məntəğə kontoroli bəştə dast qətedən.

bə ım xəbon əsosi livani silahlinə ğıvvon daveədə de İŞİD terroristiyə uzvon Həğab xəzələdə 6 qılə terrorist bə həlokət rəsedən və livani 5 qılə silahlinə ğıvvonku mincumlə qıləy zabit yarəjə bedən.

livani silahlinə ğıvvon həmçinin livani şərğiyə baxşonədə terroriston xəyli silahon həm bəştə dast qətedən.