İraği ğərbiyə baxşədə 3 ruj umumiyə matəm elan bə.

İraği ğərb Hit nomo bə şəhri fərmondori şura terroristiyə tıpımoni xoto ki bə 25 nəfəri kışte və yarəjə be bois bəy 3 ruj umumiyə matəmış elan kardə.

Bə Əlsumeriyə xəbəriyə kanali nəğlon əsosi Fars aqentəti xəbəş do Əlromadi ğərb hissə 70 kilomertii Hit şəhri fərmondoriyə şura ım xəbə elan kardeədə əlavəş karde ım 3 ruj terroristiyə hadisədə bə rəhmət şəkəson ruh ehtırom kardeyu ki zinə şanqonə hadisədə bə rəhmət şən əncum bəy.

Hit şəhri fərmondoriyə şura rəis bə şəhri cəmaət səbəsəloməti doeədə kəşfiyyat və əmniyyətiyə məsul şəxsonku tələbış karde cəmaəti coni hifz kardeyu nakonəsə ve fəaliyyət bıkən.

zinəşanqo qıləy terrorist Hit şəhri Əldəvarəh məntəğə qıləy çayxonədə bə cəmaəti hucum kardə və bəştə bastə bə bomba tıpneədə 10 nəfər kıştə və 15 nəfər həm yarəjə bedən.