İron, Tırkiyə və Ğətəri miyono tranzitiyə həmkari mığoviləon imzo bıə.
Bə İrib raporti əsos həminə təvafuğnomə çərçivədə bo məhsulon tranzit kardero 3 qılə kişvərədə vəziyət vey rohət iyən çok bəbe ijən bə Ğətər komək kardero İron və Tırkiyə tərəfo vığande məhsulon və ərzağon vədə maneon iyən problemon rə peqətə bəbe.
Im mığovilə Tehronədə İroni ticarət və sənaye vəzir Muhəmməd Şəriətmədari, Tırkiyə iğtisod vəzir Nihat Zipəkçi və Ğətəri iğtisod vəzir Əhməd bin Casım Ali Sani tono imzo bıə və ğərore bo mığovilə icra kardero qıləy məxsusə heyət və qrup həm təşkil bıbu.
Im 3 tərəfiyə iclosi bə nav İroni ticarət və sənaye vəzir və Tırkiyə iğtisod vəzir həm qıləy 2 tərəfiyə iclosi çərçivədə bə İron və Tırkiyə miyono ticarət və iğtisodi sahədə həmkarion inkişof təkid kardən.