İronıjə ğovmon(xalğon) miyono Nəvuzə id(3)

İronıjə ğovmon(xalğon) miyono Nəvuzə id(3)

“Cəşne Baharqahi” ya bahari zəmonədə bıə id min cumlə çı Bəluçestani məxloği mərosimonkuye ki,fərdon əksəriyyət min cumlə bəluçi əşirət iyən kuçəri toyfəon həm həmonə mərosimi bə vırə rosneydən.Bəluçestonədə ım ayin vey vaxti kollektiv surətədə və ya de qıləy məxsusə nəzmi bə vırə rosney bedə və deməkə ki,bəluçi ğovm ziyodə toyfə iyən ğəbiləonku təşkilış pəydu kardə,əmmo çəvon har qıləyni deştə ğəbilə yolon dəvəti deştə dədə-bobon vey muhim hisob kardə Nəvuzə idi mərosimi məşğul bedən.

Bəliuçestonədə ehanə Nəvuzə idi ərəfədə qıləy zoə fərzənd bə dınyo booy,çəy nomi Novruz ya Nobruz bənon və çoko ki,kinə toyfə bə dınyo ome,çəy nomi de bə mıntəğədə beşə şifobaxş kardə vılon əloğədor noydən.

Zımonstonədə “Həlk lodyi ya qodam lodyi” -yəni -“ıştə jimon kardə məkoni ya siyuə çodoon bə bəhari ya tıvostoniyə məntəğə tərəf vırə bə vırə kardey” mərosim çı Bəluçestoni sərhəddiyə məntəğonədə bə vırə rosney bedə.joqo ki,əvon ıştə navkonə vırəonku bə tovostoniyə zonəon kuç kardə vaxti,əvon ıştə zımostonədə jimon kardə çodoon cəm kardedən və de ğəbilə qırd fərdon qırdə bıey qıləy devrə jeydən və həlğəvari formədə cəm bedən və de”liko” nomədə bıə məxsusə avaz iyən şoyvonəti məşğul bedən və de ısətnə sori ijən bə ın məkon oqardey umu,bə həmonə vırə səlom doydən.peşo,əvon ıştə ğəbilə rəyisiku icozə sıey bəpeştə,bəştə nuyə əvəsori məkonon səmt hərəkət kardedən.əvon bəştə nuyə vırə rəsey bəpeştə,ijən kolektivə surətədə de həmonə avaz iyən musiği sədo və şoyvonəti kardey ıştə nuyə məkonədə deştə çodoon eje məşğul bedən.