Təkfiri cərəyonon
Təkfiri cərəyonon
Vəhhabiyon bə Kərimə-Ğıroni mutəşabeh ayəon istinod kardə iyən rəvoyətonku səhf sərəsə holədə ki, joqo sərəsn ki,quya əvon bə tohidi prinsipon dastışon pəydu kardə,çı ğəbon sape bina soxte şırk iyən bidət zıneydən və ilahi ovliyaon qunbəd iyən barqahon təxrib kardedən.əvon bə qıləy hədisi istiniod kardə holədə çı ğəbon sape bina soxtey şırk hisob kardedən. çoko ki, İbn Teymiyyə ıştə “Minhacus-sunnə” kitobədə voteydə ya çəy şoqird İbn Ğəyyum və ya Şovkani “Niylul-Ovtar”-ədə voteydə ki, çı ğəbon sape bina iyən qombəd soxtey bənə(Lat və Uzza) bıti soxteye və ın həm bə kufri boyis bedə.qıləy rəvoyət ki, vəhhabiyon bəy istinod kardedən,sənəd cəhəto cə`li iyən pesoxtə bıə və çın hədisi rəvoyət umdətən de tədlisi yəni hədisi sənədi zəyifəti puşniye vositə məşhurin və saniyən ın rəvoyət dəloləti nəzəku həm zəyife və çı vəhhabiyon iddio isbot kardedəni.çıro ki,çəvon nəzəku çı ğəbon sape bina soxtey hərom iyən ğombəd iyən ğəbi volo kardey vocibe.əmmo ın rəvoyət bəçəvon iddio hiç qıləy dəlolətış ni.İbn teymiyyə iyən bəy tabe bıəkəson ın iddio ki,ğəbi sape bina soxtey şırk iyən hərome,qıləy koye ki,bo mıdofiyəro hiç qıləy ğabiliyyətış ni.
Isət vəhhabiyon məğsəd ıme ki,şiəyon bə məkonon pənohışon bardə və Vahidə Xıdo pərəstış kardey əvəzi,ın ğəbon pərəstış kardedən və Xıdo zikriku ğafil mandedən.yəğınən jıqo qıləy çi şırke və qırd mısılmınon məsuliyyətış heste ta deəy mıborizə bobon.əmmo hukmən jıqo qıləy çi mevcud ni. bəlkəm, fəğət qıləy duyə təbliğate ki,İbn teymiyyə və İbn Ğəyyim iyən vəhhabiyə mıftiyon kurkuronə surətədə ımi pevolo kardedən.
Əmmo,ehanə çəvon məğsəd ıme ki,çı ğəbon sape bina və qombəd soxtey bəçəvon məğamon təclil iyən təzimi iyən bəçəvon ehtıromi boyis bıbu,ım bəpenəinki,məzəmmət nıbu,bəlkəm qıləy bə xoşomə iyən lozımə koye.çıro ki,bə pəyğombər iyən imomon ğəbon təkrim iyən təzim kardey,həyğətədə bə Əllah ya Xıdo şuaron təzim kardey mənoədəy və Xıdovənde-Xalığ Kərimə-Ğıronədə hamyedə:”vəmən yuəzzim..........və hakəs Xıdo şuaron əziz bıqəto,(bəy təzimko)ımon çı dılon təğvakuye. Həcc-32.ıəst bəpe bəvon votey bıbu ki,şımə şiəyon bə pəyğombər iyən imomon təzim iyən təkrimi əsos ki,həyğətədə ım Xıdovəndi təclil karde iyən bəy təzim kardeye və həmçinin bə Xıdovəndi roziyəti boyis bedə,şırkədə mıttəhəm kardedon?çımisə əlovə əgər peyğombər iyən imomon ğəbisə qombəd soxtey həromebu,çıro mısılmınon çı vəhhabiyon bənav ıştə alim iyən yolon ğəbon sape qombəd iyən barqo soxteydəbin?. bəqəm Malik ibn Ənəsi Bəği ğəbıstonədə qombədış nıbe?ya Şafii Misrədə ısət qıləy barqohış ni və ya Əbu Hənifə Bəğdodəədə hərəmış ni?.
Sələfiyonku idastə təkfiri iyən terrositə vəhhabiyonin ki,ğərəz ıştə hiç qıləy co mısılmonə məzhəbon ğəbul kardedənin və co məzhəbon islomi xaric zıneydən və əvoni “məhdurud-dəm” yəni çəvon xunon hədər zıneydən. Hicazi sərzəminədə iyən Ərəbıstoni nimələpəkədə de tobə vəhhabi fırğəon təşkli bıey bənav,sələfiyon bə təkfir iyən terrori etığodışon nıbe və hətto ibn teymiyyə ki,çı vəhhabiyon rəhbəri unvanədəy və ıştə umri veyni bə islomi təlimon zidd iyən bəştə səhvə əğedəon xoto,zindonədə be,əmmo de Məhəmməd bin Əbdul-Vahabi de Ali-Səudi bə Hicozi sərzəminon mısəllət bıey,əvon de ibn teymiyyə fik iyən ideoloqiyə bəyji kardey iyən deçəy inhirofi təlimon pevolo kardey məşğul bin və bımon həmçinin əvon Məhəmməd bin Əbdulvahabi co botılə fikon həm izofə be..
