Təkfiri cərəyanon

Təkfiri cərəyanon

İraği de Səddam Huseyni rəyisəti bıə BƏƏS rejimi bə İron İslom Respublikə 1980-ə sori hərbi  həmlə de şərğ iyən ğərb bloki hərbi,moli kəşfiyyati iyən siyosi koməkon vositə bə əml ome.Səudiyyə Ərəbıston həm bə İron İslom Respublikə ələyh məxsusi deşmınəti nışon doydəbe.joqo ki,Ali-Səud de nati ğeyməti bəkam kardey,çı İroni yeqanə bəromə mənbəş həm minimal həddiş rosne.çımisə əlovə,Ərəbıstoni rəsmi şəxson dayima de Səddami rabitə bərğərol kardedəbin  və bo ınko xoto əy təşviğ kardedəbin. məsələn, Səudiyyə Ərəbıstoni bə vaxtnə podşo kral Xalid 1980-ə milodi sori sentyabrə manqi 25-ədə de Səddami telefoniyə znqi vaxti elonış karde ki,çəy kişvər əy de bə İron İslom Respublikə ələyh bıə canqədə himoyə bəkarde və bəy dastək bədoe. Demiyən Ərbıstoni çı Səddam rejimi bə İron İslom Respublikə ələyh canqədə həmməysə ciddiyə hami və koməkəkə hisob kardey bəbe.joqo ki,bə İron İslom Respublikə zidd mıhoribə zəmondə Farsi Korfəzi ətrofədə bıə ərəbə kişvəron hafto milyardnə maliyyə koməkon,si milyardisə veyə səhm bə Səudiyyə  Ərəbıstoni ehdə be. İron İslom İnğılob bo Ərəbıstonədə hakim bıə vıəhhabiyon qıləy  maneyə bə hisob omeydəbe.həyğətədə,İslomi İnğılobi bəpeştə islomi kəc bəsə dəşə ifroti ,təkfiri iyən radikalə vəhhabiyon əğedə mısılmonə məmləkətonədə və hətto ğərbi kişvəronədə pevolo kardey çı Səudiyyə Ərəbıstoni iminə dərəcə ko be.Ğərbədə bıə İslomi deşmınon de ixtisodi,siyosi iyən hərbi əbzoron vositə bo İron İslom Respublikə səbarzəti vəy qətey xoto,qıləy məzhəbiku bə coqlə məzhəbi ələyh bıə silohiku oko doydəbin.bə Amerkə siyosətmədoron qımoni əsos, ,bo ın ozodi baxş kardə iyən erj sadir kardə bo İron İslom İnğılobi vəy qəteyro,bəpe çın inğılobi çehrə çı zılmi jiyədə bıə iyən ğərbiku bə şıkrə bıə mısılmınon miyono təxrib iyən təhrif kardey bıənin be.