Təkfiri cərəyanon
Təkfiri cərəyanon
Iyo be ki,havzə təhdid çı sıə təhdid vırədə ğərolış qəte və islomofobiya iyən anti-islom hərəkəton de Amerkə iyən çəy mıttəfiğon siyosəton mərkəziyyəti ıştə fəaliyyətonış bino karde.əmmo,çın əvəz bıey qıləy nımunəş hestebe ta kardey bızıno dınyoədə çı Amerkə mıdoxilə əkə siysoəton bo Amerkə iyən ğərbi iştimayi fikon qıləy bəhonə vardey bıbu. Islomi dini de hoziyəti iyən terrorizmi nomi elon kardey siysoət həm bın cəhətədə be ki,Amerkə iyən ğərbi siysoətmədoron əsliyə hədəf be ki,deçəvon informasiyə vositəon roy təbliğ be.Ərəbıstonədə hakim bıə vəhhabiyon bə həyğiyə islom iyən ağli zidd bıə deştə radikal iyən ifrotiyə fik və əməlon,islomi qıləy hoziyə dini formadə təğdım kardeyro bə ğərbi mediya osyo ov rukardey mənoədəy.ım qıləy holədəy ki,Ərəbıstonədə bıə hakim sulolə Ali-Səud rejim Miyonə Şərğədə ısət bə Amerkə iyən ğərbi və bəvon siyosi iyən hərbi nez bıə qıləy rejime.Ərəbıston çı Amerkə bənə qıləy karquzar iyən xıdmətçi hoziyəti iyən radikalizmi dınyoədə tərvic kardedə.de Amerkə, İngiltərə, Ərbıston iyən Pokistoni casusə aparaton və servison deUsamə ben Ladeni rəhbərəti Əfğanıston iyən Pokistonədə Əlğayidə terrorə təşkilotışon bə əməl varde.ərəbə əfğanon ki,de Şurəvi yəni Sovet hukuməti Sıə Ləşkəri mıborizə bardey xoto,bə Əfğanıston vardey bıəbe və boəvon qıləy tojə ko iyən məmuriyyət hozzı kardey bıəbe. əvon de ifroti iyən tındə təfəkkuri və hoziyə formadə Pokistonədə bıə vəhhabi dini mədrəsəonədə təhsiliku fariğ iyən co bıə tələbəon bə Pokistonədə bıə Talibani umuj qıniyedəbin. Əfğanıstonədə Talibani təsəllut pəydu kardey bədiqə,Əlğayidə həm bəştə hədəfon rəsey xoto,əyo qıləy baza iyən mərkəzış oj karde.bənə Əlğayidə iyən Talibani islomi kəc sərəsə iyən çəvon hoziyə təfəkkur iyən hərəkəton,bo Amerkə qıləy mınosibə fırsətış icod karde ta de terrorizmi mıborizə bardey bəhonə ıştə anti-islom siyosəti binoko.həmçinin de ın roy de məzhəbi vositə de ədolət tələbə İron İslom respublikə mıborizə bardey ko məşğul be.İron İslom Respublikə ki,reqion iyən dınyoədə de dini-demokratiya modeli məşhure,bo Miyonə Şərğədə çı Amerkə himoyə kardə zılmkor və sulolə hukuməton qıləy ciddiyə təhdid bə hisob omeydə.həyğətədə,Taliban iyən Əlğayidə çı Amerkə reqinoədə bardə yavə siyosəti məhsule ki,de veyə məğsədi hədəfon bo hoziyəti iyən xuşunəti tərvic kardey xoto icod kardey be.ziyodə analitik iyən nəzə soybon Əfğanıstonədə de Amerkə devləti rəsmi holədə bə Əlğaydə iyən Talibani çokonə bə əməl omey istinod kardə holədə,bə milodi 2011-ə sori Amerkədə 11 sentyabr hodisə icod bıeyədə şəkk iyən tərdid kardedən.ın şəkk iyən tərdid bə zəmon ziyod bedə ki,Amerkə de yonzə sentyabr hodisə bəhonə bə Əfğanıston iyən İraği gərbi mıdoxiləş karde və qırd beynəlxalğ norma və ğanunonış ıştə lınqi jiyədə noşe və dınyo səviyyədə de terrorizmi mıborizə bardey bəhonə ın cinoyətonış bə vırə rosne.dığğət kardəninə nuktə me ki,bə Nyu-Yorkədə bə dınyo ticorəti bina iyən Pentaqoni bina ekkuyə,çoqlə ıştənəpəri dızdə 19 nəfəri dılədə 15 xonəxo çı Ərəbıstoni şəhrvandon bin. ım ımi nışon doydə ki,Ərəbıstonədə hakim bıə vəhhabiyyət praktiki iyən əməli surətədə Miyonə Şərğədə çı Amerkə siysoəti xıdmətədə bıə və Ali-Səud ıştə jimon iyən həyoti Amerkə iyən ğərbiku bə şıkrə mandə holədə iyən deçəvon himoyə dəvom doydə.....
