Təkfiri cərəyonon
Təkfiri cərəyonon
İron İslom Respublıikə səbarzəti sıftənə soronədə Ərəbıstoni səyış karde ki,bə İron İslom Respublikə ələyh qıləy ərəbiku qıləy cəhbə təşkil bıdo,bısoxto. Səddami rejimi bə İron İslom Respublikə ələyh təcavuzi zəmonədə kali ərəbə kişvəron de Ərəbıstoni həmray bıə formadə bə İron İslom Respublikə zidd həmkorətişon karde iyən har curnə dasto omə ko və fəaliyyətışon nışon doe. Səddam bə İroni ələyh həşt sornə məcburi canqi zəmoni bəpeştə,nəhoyətən məğlub be bə dumo pekıre və de İroni beynəl-xalğ səviyyədə zıney bıə sazişonış ğəbul karde.əmmo Səddam boştə ın nokomətiyon puşniyero bə Kuveyti həmləş karde və ın kişvərış işğal karde.qırd ın hodisəon bə ərəbi rejimon məxsusən bə Ərəbıstoni ibrəti boyis nıbe və əvon ijən ıştə inhirofə siyosəti dəvom doydə.joqo ki,Ərəbıston bə İron İslom respublikə zərbə jıey xoto,ıştə dasto omə har qıləy fırsətiku oko doydə.Amerə iyən İron İslom Respublikə co deşmınon ısət reqiyonədə İronofobiyə siyosəti bardedən.bə İron İslom respublikə ələyh bıə ın deşmınə fəaliyyəton har qıləy sahədə yəni hərbi,siyosi iyən fərhənqi cəhəto ın deşmınətiyon bardedən.ısət çı ərəbi kişvəron məxsusən Səudiyyə Ərəbıstoni anboon purin de Amerkə iyən Avropə kişvəron istehsol kardə silohon.siyosi cəbhədə həm Ərəbıston iyən çəy mıttəfiğon Beynəlxalğ təşkilotonədə Amerkə hədəfon cəhətədə İroni təcrid kardey siyosəti təğib kardedən.fərhənqisektorədə həm əvon əslə islomi təxrib iyən islom,peyğombər(s) iyən Kərimə-Ğıroni təlimonku bə diyəro bıə vəhhabi inhirofə fırğə çı Ali-Səudi siyosəti bəvə bardə holədə bəştə fəaliyyəton dəvom doydən və çı İron İslom Respublikə mığobilədə mandən.joqo ki,Səudiyyə Ərəbıston bənə Əfğanıston iyən Pokistoni bıə mıxtəlifə mısılmonə kişvəronədə sərmoyə noydə ,dini mədrəsəon soxtedə və cıvonə mısılmınon bə inhirofə vəhhabiyyəti səmt cəzb kardedən.bın mədrəsəonədə bənə Taliban iyən Əlğayidə terrorə təşkiloton soxtey və bə dınyo iştimaiyyəti təğdım bedə.mılxəs,həyğətədə Səudiyyə Ərəbıston de islomi nomi təkfiri iyən terroristə dastəon dınyoədə pevolo kardə həmməysə əsliyə rejime.
İron İslom Respublikə ki,reqion iyən dınyoədə de dini-demokratiya modeli məşhure, bo Miyonə Şərğədə çı Amerkə himoyə kardə zılmkor və sulolə hukuməton qıləy ciddiyə təhdid bə hisob omeydə.həyğətədə,Taliban iyən Əlğayidə çı Amerkə reqinoədə bardə yavə siyosəti məhsule ki,de veyə məğsədi hədəfon bo hoziyəti iyən xuşunəti tərvic kardey xoto icod kardey be.ziyodə analitik iyən nəzə soybon Əfğanıstonədə de Amerkə devləti rəsmi holədə bə Əlğaydə iyən Talibani çokonə bə əməl omey istinod kardə holədə,bə milodi 2011-ə sori Amerkədə 11 sentyabr hodisə icod bıeyədə şəkk iyən tərdid kardedən.ın şəkk iyən tərdid bə zəmon ziyod bedə ki,Amerkə de yonzə sentyabr hodisə bəhonə bə Əfğanıston iyən İraği gərbi mıdoxiləş karde və qırd beynəlxalğ norma və ğanunonış ıştə lınqi jiyədə noşe və dınyo səviyyədə de terrorizmi mıborizə bardey bəhonə ın cinoyətonış bə vırə rosne.dığğət kardəninə nuktə me ki,bə Nyu-Yorkədə bə dınyo ticorəti bina iyən Pentaqoni bina ekkuyə,çoqlə ıştənəpəri dızdə 19 nəfəri dılədə 15 xonəxo çı Ərəbıstoni şəhrvandon bin. ım ımi nışon doydə ki,Ərəbıstonədə hakim bıə vəhhabiyyət praktiki iyən əməli surətədə Miyonə Şərğədə çı Amerkə siysoəti xıdmətədə bıə və Ali-Səud ıştə jimon iyən həyoti Amerkə iyən ğərbiku bə şıkrə mandə holədə iyən deçəvon himoyə dəvom doydə.....
