Təkfiri cərəyonon
Təkfiri cərəyonon
İron İslom Respublikə ki,reqion iyən dınyoədə de dini-demokratiya modeli məşhure, bo Miyonə Şərğədə çı Amerkə himoyə kardə zılmkor və sulolə hukuməton qıləy ciddiyə təhdid bə hisob omeydə. həyğətədə, Taliban iyən Əlğayidə çı Amerkə reqinoədə bardə yavə siyosəti məhsule ki,de veyə məğsədi hədəfon bo hoziyəti iyən xuşunəti tərvic kardey xoto icod kardey be.ziyodə analitik iyən nəzə soybon Əfğanıstonədə de Amerkə devləti rəsmi holədə bə Əlğaydə iyən Talibani çokonə bə əməl omey istinod kardə holədə,bə milodi 2011-ə sori Amerkədə 11 sentyabr hodisə icod bıeyədə şəkk iyən tərdid kardedən.ın şəkk iyən tərdid bə zəmon ziyod bedə ki,Amerkə de yonzə sentyabr hodisə bəhonə bə Əfğanıston iyən İraği gərbi mıdoxiləş karde və qırd beynəlxalğ norma və ğanunonış ıştə lınqi jiyədə noşe və dınyo səviyyədə de terrorizmi mıborizə bardey bəhonə ın cinoyətonış bə vırə rosne.dığğət kardəninə nuktə me ki,bə Nyu-Yorkədə bə dınyo ticorəti bina iyən Pentaqoni bina ekkuyə,çoqlə ıştənəpəri dızdə 19 nəfəri dılədə 15 xonəxo çı Ərəbıstoni şəhrvandon bin. ım ımi nışon doydə ki,Ərəbıstonədə hakim bıə vəhhabiyyət praktiki iyən əməli surətədə Miyonə Şərğədə çı Amerkə siysoəti xıdmətədə bıə və Ali-Səud ıştə jimon iyən həyoti Amerkə iyən ğərbiku bə şıkrə mandə holədə iyən deçəvon himoyə dəvom doydə.
Taliban 1995-ə milodi sori de Pokistoni ləşkəri hərbi iyən kəşfiyyati ğıvvon koməki vositə bə Kabulədə Mıcohidoni devləti ziyodə həmlə kardey,mıvəffəğ bin çı Əfğanıstoni sərzəmini qıləy dıjdə baxşi bəştə sultə ji biyon.əvon çı Əfğanıstoni fəğrə di iyən şəhronədə bənə miyonə əsri modeli qıləy devlətışon soxte və bə icroşon noe.kinə toyfon bə məktəb və mədrəson şıey ğədəğən be.merdon ıştə rişi kırt kardey həxışon nıbe.jenon icozə nıbe rubənd iyən niğob nıbə holədə bə kəno beşon.texnoloqiyə vositəonku oko doey min cumlə televizyaku istifodə kardey hərom hisob bıəbe.bın zəmon çı ğərbi devləton hiç qıləyni ımonışon məhkum iyən tənğıd nıkardeşone.ehanə ın hodisəon de ğərbi kişvəron hamray nıbə coqlə məmləkətədə bıəbe,rəyrə həm ğərbi kişvəron yolon və həmən deçəvon informasiyə vositəon şiddətinə tənğıdi dimbədim əvoy.çoko ki,əvon deçəvon siysoəton zidd bıə İron İslom Respublikə ələyh ısət ımruj dınyoədə ın siyosəti təğib kardedən.çəvon çın koonku hədəf həm məlume.bə islom iyən mısılmınon çehrə və imici dınyoədə zərbə varid kardeye.Taliban de vəhhabiyə Səyudiyyə Ərəbıstoni himoyəti islomiku jıqo qıləy çehrə çı ğərbi informasiyə vositəon ixtiyroədə ğərol doydəbe.jıqo qıləy şərayitədə Pokiston iyən Əfğanıstoni məxfi servison deştə casusə fəaliyyəton məşğul bedəbin.həyğətədə,Əfğanıston bə Talibani dast eqıniye bəpeştə,bə Əlğaydə mərkəzi ğərolqo təbdil be.Əlğaydə bəy lozım və ehtiyociş bıə çiyon de mıxtəlifə roon vositə bə dast vardedəbe.ın şərayit de tosə 2001-ə milodi sori və bə Pentaqoni bina iyən Nyu-Yorkədə dınyo ticorəti dıqlə dıbılə bina həmlə zəmoni, dəvomış pəydu karde ta in ki,Taliban iyən Əlğaydə çı Amerkə iyən çəy bənə Ərəbıstoni reqinonal mıttəfiğon stratejikə hədəfon bəvə bıbon.nəhoyətən çın ko oxo de Amerkə hərbi mıdoxiləon bə oxo rəse.2011-ə milodi sori sentyabrə manqi 11-ə rujiku hələ imanq dəvardə nıbe,Amerkə ə vaxtnə prezdent Corc Buş bə Talibani ələyh canqi əmrış bekarde və oktyabrə manqi 7-ədə bə Əfğanıstoni həmlə əmrış doe.
