Təkfiri cərəyonon
Təkfiri cərəyonon
Vəynə bərnomədə bənə DAİŞ iyən Cəbhətun-Nusrə bıə bə təkfiri iyən terroristə dastəon bə əməl ome işorə kardemone.bın bərnomədə həm bə coqlə təkfiri iyən terroritə cərəyonon işorə bəkardemon. Ceyşul-Hurr (Ozodə ləşkər) iminə silohinə ğıvvonku be ki,2011-ə sori çı Suriyə daxilədə de Riyad Ələs`ədi rəhbərəti ki,çı Suriyə ləşkəriku co bıəbe və de Ərəbıston,Ğətər,Tırkiyə iyən İƏƏ və kali co kişvəron himoyə vositə təşkil be.Suriyə İnğılobi Cəbhə nomi məşhur ,bə silohinə ğıvvon şomil be ki,çı Ceyşul-Hurr terroristə ğıvvon dıjdə baxşi təşkil doydəbe ki,min cumlə bə Əlfaruğ,Əlfaruğəl-İslomi,Livahut-Tovhid,Livahul-Fəth,Livahul-İslom,Səğuruş-Şam, və bə Suvaru Deyruz-Zuri işorə kardey bəbe.həlbəttə,çı Riyadi Ələsədi zəxmin bıey barədə kali məlumaton pevolo be və bəziyon çəy mardey xəbəşon həm doe.2014-ə sori sıftədə Əbdullah Əlbəşər bə Mıştərəkə Ozodə Ləşkəri nomi bıə silohinə ğıvvon rəhbər vıjniye be.Səudiyyə Ərəbıston,İƏƏ,Ğətəri informasiyə vositəon de əvon həmfikir bəvon Ceyşul-Hurr yəni de inğılobiyyon ləğbışon noəbe.İdlibədə çın dastə işğalədə bıə mərkəzon, Dəməşğ, Hələb,Humah iyən Deyruz-Zuri ətrofi şomil be.həlbəttə,ın məntəğəon dayimi surətədə çı dastiku bə dast ovaşte.bənə DAİŞ-i bıə radikal və terroristə ğıvvon bə Suriyə daxil bıey,çı Ceyşul-Hurr silohinə ğıvvon rol bəkam be və əvon çın dıəjdə terroristə qrupi təsiri jiyədə mandin.Ceyşul-Hurr terroristə qrupon hejo çı sıftəku ıştə fəoliyyətışon de odəmon dızdiye və irğçiyə hərəkətonku iborət be.Ceyşul-Hurr terroristə silohinə ğıvvon sıftəku ıştə fəoliyyətışon de bənə odəm dızdiye və sayirə çandə qılə cinoyəton bə vırə rosneydəbin. Suriyədə terroristə ğıvvon bə rə əvəz bıə hodisəon xoto,i ya poə bıə holədən ta bəlkəm kardey bızınon, ıştə mevğıyyəti oqəton.çın terroristə ğıvvon kali qıləyni umr bə isori həm nırəse.Suriyədə Ceyşul-Fəth çı Əlğaydə qıləy şaxəonkuye.votey bedə ki,çı Ceyşul-Fəthi terroristə qrupiku 4 həzo uzvış heste. haft qılə silohinə ğıvvon 2015-ə milodi sori martə manqi 24-ə ruji Ceyşul-Futuhışon təsis karde ki, qırd ımon iqlə ideoloji otağədə və de iqlə hərbi rəhbərəti idorə bedə.
Cəbhətun-Nusrə Ceyşul-Fəthi təşkil doə muhimmə dastəy ki,bə ın terroristə qrupi Əhraruş-Şam,Cundul-Əğsa,Ceyşus-Sunnə,Filəğuş-Şam,Livaul-Həğğ və Əcnaduş-Şam həm izofə be.Ceyşul-Futuhi terroristə qrupon cəhd kardedəbin ta ıştəni bənə miyonə ro şıkəson nışon bıdon.əmmo,çın terroristə dastəon həyğiyə həyğət iyən mahiyyət bə Əlğaydə terroristə qrupi ideoloqiyə əsos be ki,ımi inkor kardey nibəbe. Suriyədə Cəbhətun-Nusrə terroristə dastə yol Əbu Muhəmməd Coolanide oşko və rəsmi formədə 2013-ə sori martə manqi bə Əlğaydə şəbəkə sərkərdə Əymən Əzzəvahiri beyət kardeyış elonış karde. Ceyşul-Fəth terroristə dastə himoyədoron Səudiyyə Ərəbıston,Ğətər iyən Tırkiyə be.ın terroristə dastə 2013-ə sori martə manqi təşkil be və mıxtəlifə kişvəronku çandə sa qılə terroriston bın dastədə uzv bin.çın terroristə qrupi uzvon veyni şimoli Ğafğazi kişvəronku təşkil doydəbe.Ceyşul-Mıcohidin vəl-Ənsar terroristə quruhi rəhbər Umər Əşşişani nomo bıə qıləy təhlukəninə fərd be ki,çı qırd kamikadze həmləon təşkil kardə kəs be.Hərəkətu Əhraruş-Şam coqlə terroristə dastə be ki,çı bənə Cəmaətut-Tuəliyyəl-İslomiyyə,Hərkətul-Fəcru-islomiyyə,Kətaiyub-Əliman və Kətayibul-Əhraruş-Şami bıə çoqlə terroristə dastəonku iborət be.
