Təkfiri cərəyonon
Təkfiri cərəyonon
Cəbhətun-Nusrə Ceyşul-Fəthi təşkil doə muhimmə dastəy ki,bə ın terroristə qrupi Əhraruş-Şam,Cundul-Əğsa,Ceyşus-Sunnə,Filəğuş-Şam,Livaul-Həğğ və Əcnaduş-Şam həm izofə be.Ceyşul-Futuhi terroristə qrupon cəhd kardedəbin ta ıştəni bənə miyonə ro şıkəson nışon bıdon.əmmo,çın terroristə dastəon həyğiyə həyğət iyən mahiyyət bə Əlğaydə terroristə qrupi ideoloqiyə əsos be ki,ımi inkor kardey nibəbe. Suriyədə Cəbhətun-Nusrə terroristə dastə yol Əbu Muhəmməd Colani de oşko və rəsmi formədə 2013-ə sori martə manqi bə Əlğaydə şəbəkə sərkərdə Əymən Əzzəvahiri beyət kardeyış elonış karde. Ceyşul-Fəth terroristə dastə himoyədoron Səudiyyə Ərəbıston,Ğətər iyən Tırkiyə be.ın terroristə dastə 2013-ə sori martə manqi təşkil be və mıxtəlifə kişvəronku çandə sa qılə terroriston bın dastədə uzv bin.çın terroristə qrupi uzvon veyni şimoli Ğafğazi kişvəronku təşkil doydəbe.Ceyşul-Mıcohidin vəl-Ənsar terroristə quruhi rəhbər Umər Əşşişani nomo bıə qıləy təhlukəninə fərd be ki,çı qırd kamikadze həmləon təşkil kardə kəs be.Hərəkətu Əhraruş-Şam coqlə terroristə dastə be ki,çı bənə Cəmaətut-Təliyyəl-İslomiyyə,Hərkətul-Fəcru-islomiyyə,Kətaiyub-Əliman və Kətayibul-Əhraruş-Şami bıə çoqlə terroristə dastəonku iborət be.
“Suriyə İslomi cəbhə” həm Suriyədə dıjdə təkfiri iyən terroristə qruponku qıləyniye.ın terroristə qrup 2012-ə milodi sori dekabrə manqədə Suriyədə təşkil be və harçənd ın dast Suriyədə qıləy qədə qrup bə hisob omeydə,əmmo qıləy mutəşəkkilə qrup iyən de proqrami hərkət kardə dastən və çı Suriyə ozodi baxşə islomi cəbhəkuye və Suriyə mıxtəlifə məntəğonədə pevolo bıən.çın dastə rəhbərəti kom həm “Əhrarul-İslomiyyə Şam” yəni Şami İslomi ozodon dastə bəştə ehdəş peqətə. Suriyə islomi cəbhə bə Suriyə şimolədə İdlibi ostanədə bə Təftnaz hərbi ayredromi həmləonədə muhimmə rol ifo kardeşe.Suriyə İslomi Cəbhə ıştə hədəfış Suriyədə İslomi Əmirətiyon təsis kardeyış elon kardə və ərbi iyən ğeyri-ərəbi kişvəron şəhrvandonku uzvonış heste.əmmo,çın qrupi əsliyə rəhbəron ıştən Suriyəvıjonin və ıştə çı xariciku bə şıkrə nıbey bəyon kardedən.
“Əhrarul-İslomiyyə Şam” nomo bıə terroristə dastə(Suriyə İslomi Cəbhə məkəzi ğərolqoye) 2011-ə milodi sori oxoyədə Suriyə İdlib şəhrədə çı İraği marzonədə de Həssan Əbudi sərkərdəti və de 15 ila 20 həzo İrağıj iyən Suriyəvıjə terroriston ıştə koşon bino karde. “Əhrarul-İslomiyyə Şam” nomo terroristə dastə sıftədə de bə Suriyə ləşkəri siloh anboon həmlə kardey ıştənışon de silohi təchiz kardeşone və peşo deştə İrağıjə sərkərdə vositə binoşon karde bo siloh hıriye.ın terroristə qrupi deçəvon Suriyə mıxtəlifə vıronədə min cumlə Dəməşğ,Hələb,Homs iyən co məntəonədə bıə kamikadze və terroristə hərəkəton çı İrağıjə terroriston təcrubəonku oko doydəbin.ın terroritə dastə Suriyə Ərrağğə ostanədə ki,həmonə şəhr komilə surətədə çı DAİŞ terroristə dastə sultə jiyədəbin,fəoliyyət nışon doydəbin və həmçinin çı Hələb şəhri şərği tərəfədə mıstəğərr bin. “Əhrarul-İslomiyyə Şam” terroritə qrupi ğərolqo çun çı Tırkiyə marzon kəno be,əve bəvon umuj qıniye piyə xarici ğıvvon de rohətə formə bə Suriyə omeydəbin, əyo təlim vindedəbin və bəçəvon cərqə umuj qıniyedəbin.Suriyədə ziyodə dastəon fəoliyyət nışon doydəbin.ğərbi devləton və həmçinin çəvon bənə Səudiyyə Ərəbıston,Tırkiyə,Ğətər iyən co reqional devləton Suriyədə behron soxtey,ın kişvərış bə təkfiri iyən terroristə dastə covlan kardə meydoniş təbdil kardə və əvon ın məmləkətışon bə cəhəndım oqordınəşone.
